ايقافات موجودة على حسابك...!!

[mola]

زميلاتي العزيزات
الطالبه المستجدة لازم تروح لنفس الكلية تبع تخصصها
يعني مثلا انا تخصصي اقتصاد السنه الماضية رحت لمبنى كلية الادارة والاقتصاد وسالت عن مشرفة الماستر تبع الاقتصاد
طبعا من مكتب لمكتب لين ما وصلت
المشرفة تحددلك مواد التكميلي اللي حتدرسيها و ممكن تحذفلك بعض المواد و الافضل لو تاخذوا معاكم السجل الاكاديمي تبع البكالوريوس عشان تشوف المواد اللي درستوها وبعد كذا تعملوا جدولكم

[همة همة همة]

جزاك الله خير سمو العلم ..

[سمو العلم]

المشاركة الأصلية كتبت بواسطة همة همة همة جزاك الله خير سمو العلم ..

و إياكي أختي همة ..

وفقك المولى ,,,,

[نور الدنيا...@]

اللي سألوا وعندهم اخبار جديده ياليت يفيدونا

ربي يوفقكم

[ملآك..~]

الايقافات كلموا اللي بصالة القبول يشيلوها عند مراعاة السبب

يعني اللي ايقافه بسبب موافقة جهة العمل .. بعد مايجيب الموافقة يشيلوها


بس لآزم تتأكدوا قبل تروحوا انهم اكيد شالوها لآني امس راجعتهم وقالوا خلاص ,, ولما رجعت البيت لقيتها لسه موجوده .. غير كلمتهم ثاني


بس أنا عندي مشكله أنو لما ابحث عن شعب .. يقول لي التسجيبل غير متااح ==> اش السبب ؟؟؟؟

علما ان موادي اللي ابغى اضيفها تكميلي ..

[سمو العلم]

المشاركة الأصلية كتبت بواسطة ملآك..~ بس أنا عندي مشكله أنو لما ابحث عن شعب .. يقول لي التسجيبل غير متااح ==> اش السبب ؟؟؟؟ علما ان موادي اللي ابغى اضيفها تكميلي ..

أختي الفاضلة ..

إذا عندك تكميلي لازم تضيفي المواد من القسم ...

وفقك الله

[نور الدنيا...@]

ياختي

‏​ٱ‏نا حاطين لي ايقاف مشروط بتكميلي ايش الحل

وكم رقمهم صاله القبول لازم اروح ؟؟

[ملآك..~]

لآزم تراجعي شخصيا

مايهتموا بالاتصال

[الريمـ]

نور الدنيا اذا كنتي مستجدة و ماعندك مواد تكميلية تروحي من كليتك تاخذي ورقة للمواد التكميلية تكتبي عليها لا يوجد مواد تكميلية و توقعيها من كليتك بعدين تاخذيها للشؤون الاكادمية حقت الدراسا العليا اللي بالمبنى الثالث عند استاذة عهود و هيا تشيلك الايقافات

[نورس المستقبل]

المشاركة الأصلية كتبت بواسطة الريمـ نور الدنيا اذا كنتي مستجدة و ماعندك مواد تكميلية تروحي من كليتك تاخذي ورقة للمواد التكميلية تكتبي عليها لا يوجد مواد تكميلية و توقعيها من كليتك بعدين تاخذيها للشؤون الاكادمية حقت الدراسا العليا اللي بالمبنى الثالث عند استاذة عهود و هيا تشيلك الايقافات

مشكوررررره
جزاك الله خير على الايفاده