مقبل على السنة التحظيريه نصائحكم + مساعدة

[jo0odi s]

ما ابغا احطمك بس ترا انا كنت زيك ابغا طب اسنان وبعد اسبوعين عرفت انه لو ماعندي واسطه ماحمشي لا دفرنه ولا غيرها لو عندك خيارات ثانيه روح لها زي البترجي مثلا ...لانه الاحياء الواحد مايعدي فيه الا بالحظ وترا مشاكل الماده هذي كثيره ...انا ما احب احطم احد بس انا ما ابغا احد يضحك عليك زي ما انضحك علي :'(

وبعدين مين قال خطه ب اصعب ياخي عالم غريبه ماهي اصعب ولا شيء بالعكس مناهج طويله بس سهله الكرف في خطه أ دوام طويلل ومواد زي السم فيزياء ورياضيات

الله يوفقك ^_^

[وعد2012]

المشاركة الأصلية كتبت بواسطة jo0odi s ما ابغا احطمك بس ترا انا كنت زيك ابغا طب اسنان وبعد اسبوعين عرفت انه لو ماعندي واسطه ماحمشي لا دفرنه ولا غيرها لو عندك خيارات ثانيه روح لها زي البترجي مثلا ...لانه الاحياء الواحد مايعدي فيه الا بالحظ وترا مشاكل الماده هذي كثيره ...انا ما احب احطم احد بس انا ما ابغا احد يضحك عليك زي ما انضحك علي :'( ^

اسمحيلي اختي دا الكلام قمة التحطيم
انا ماأنكر انه في واسطة لكن اللي يجتهد ويحصل على نسة حلوة حيقدر يدخل اللي يبغاه
انتي من كلامك كأنك تقولي كل اللي دخلوا بالواسطة
بالعكس انا الحمدلله دخلت بجهدي وكثيير من البنات اللي اعرفهم دخلوا الشيء اللي يبغوه
وبالنسبة للأحياء ترى كلامك عن انه بالحظ انتي كدا تقللي من جهد كتيير من البنات
يعني اذا كنت ما تحبيه مو ذنب الدفعة الجاية انك تنشري افكار سلبية كدا
وكل واحد حيحصل الشيء اللي يبغاه بقدر مايجتهد من المستحيل انه الله يضيع عمل احد
وبالتوفيق للدفعة الجاية

[Respect me Respect U]

المشاركة الأصلية كتبت بواسطة jo0odi s ما ابغا احطمك بس ترا انا كنت زيك ابغا طب اسنان وبعد اسبوعين عرفت انه لو ماعندي واسطه ماحمشي لا دفرنه ولا غيرها لو عندك خيارات ثانيه روح لها زي البترجي مثلا ...لانه الاحياء الواحد مايعدي فيه الا بالحظ وترا مشاكل الماده هذي كثيره ...انا ما احب احطم احد بس انا ما ابغا احد يضحك عليك زي ما انضحك علي :'( وبعدين مين قال خطه ب اصعب ياخي عالم غريبه ماهي اصعب ولا شيء بالعكس مناهج طويله بس سهله الكرف في خطه أ دوام طويلل ومواد زي السم فيزياء ورياضيات الله يوفقك ^_^

قال الله تعالى ( فاستجاب لهم ربهم أني لا اضيع عمل عامل من ذكر او انثى )
والحديث القدسي ( انا عند حسن ظني عبدي بي )
ثق بالله ياعزيزي واحسن الظن فيه وفالك التووفيق ثم ثق في قدراتك وقوة تحملك وحسن تصرفك مع اي مرحلة جديدة في حياتك ^_^

[dr.ro0ody]

لا واسطة ولاحاجة كتير دخلوا بدون واسطة
وبالنسبة ليا خطه ب معدلي فيها اعلى من خطة أ

الاحياء صحيح انوا كتير ومصطلحات كتيرة ودموا ثقيل شوية
بس كتير اخدوا +a وانا كمان اخدت +a
بس زاكر المحاضرات اول باول ويوم الخميس او الجمعة راجع المحاضرت كدا على خفيف زي ماقالت وعد يسير يوم الاختبار على خفيف كأنوا مراجعة
والمصطلحات الافضل وانت تزاكر تكتبها في ورقه __ يعني كل شابتر تكتب مصطلحاتوا في ورقة مع الترجمة
والاسئه مرررة سهلة للي فاهم السلايدات كويس + مزاكر من اول

والكيمياء احلى مادة في الخطة بس طويلة شويتين __بس زاكر اول باول والافضل تترك الكتاب وتزاكرها من ملخص يوسف زويل + تدرب يدك على النماذج قبل الاختبار
وتكون عند دكتور كويس وبس

الاحصاء حلو بس لااازم تركيز والكتاب جدا مهم فيلو تعاريف مهمة والتمارين مهمة بالاضافة لملخص جمال السعدي تزاكروا اول باول مع الكتاب + بعد ماتخلص من الشابتر تحل تمارين من اشرف بركات وقبل الاختبار تدرب يدك على تمارين كتير <<هادي المادة تحتاج تطلع على تمارين كتيرة على قد ماتقدر وبس

وان شاءالله على الاقل 90 في كل المواد هدي
وبس هادا اللي عندي