هذره + كيس فصفص + طقّة أصبع

[خالد9921]

أبيات مُقتطفة استهوتني كثير :

بيتك اللي من رحلت وكل جدرانه تعاني
ما تحمّل ينتظر شهرين وعيونك بعيدة
من عرفتك وأنت تايه من مواني لي مواني
وتارك ٍ قلبي مولّع من وقيده في وقيده
ودي أتحمّد لك الله بالسلامة , ما مداني
كل ما توصل برحلة ترجع برحلة جديدة
ذاك بس اللي يامن جيته يلخبط كياني
اللي بنظره ينشف دم قلبي في وريده
قبل أشوفه أجمع له أحلى القصايد والمعاني
وإن لقيته ماعرفت أقول لي جملة مفيدة
ألف مرة قبله أعد القصيدة من لساني
ولعنبوه أن جيت عنده قمت أخربط بالقصيدة
أمدحه وأنا أدري أنه لو تباطاني نساني
أنطحه وأنا أعرفه مجنون و أفكاره عنيدة
من يسوي بي سواتك يالرهيف الأسمراني ؟
منهو من الناس غيرك غلطته ترفع رصيده ؟
من يقص (جناح طيرك) وأنت أعز إنسان جاني ؟
ليه أخاف (رماح غيرك) وأنت ضرباتك سديدة ؟
خلني داخل (حدودك) وأجبر بخاطر زماني
إكذب بباقي (وعودك) وأصدق بلحظة سعيدة
تكفى واليا قلت تكفى بيع خلق الله عشاني
لاتضيّع من يديني فرصة العمر الوحيدة
شف غيابك وش يسوي بالصدور وبالمباني
وأنت تدري كيف كانت صدمة غيابك شديدة
والله أنك لو وصلت البيت متأخر ثواني
ما لقيت إلا بقايا من حصاه ومن حديده