ارجو الافادة ياخريجين : هل أحد أستلم الوثيقة ؟؟؟؟ ام لا ؟؟؟

[فايز السليماني]

الإجراءات بسيطة

انا جيت الصباح بدري قبل 7:30 في العمادة الدور الثاني المكتب اللي جنب مكتب وكيل الكلية د.عابد المشايخي
وانتظرت حتى قرابة الساعة ودخلت على الموظفين وفي موظف للإقتصاد والتاني للآداب

الخطوات
1- تعطي الموظف بطاقة الجامعة ومعها الهوية وبعدها يسلمك الوثيقة ومعاها كشف الدرجات بعد التوقيع على الاستلام
2- صور الوثيقة بعدها عدة نسخ حسب رغبتك
3- تنزل الدور الأول عند الاستقبال وتعبي ورقة عندهم لإخلاء الطرف وترفق معاها البطاقة الجامعية + نسخ الوثيقة لوضع الختم عليها
4- لو حابب تحصل على عدة نسخ رسمية من كشف الدرجات لازم تدفع عن كل نسخة 10 ريال والدفع ممكن كاش أو بالبطاقة والأفضل البطاقة المصرفية أسرع لك وتنتظر دقائق

وبعدها يسلمك الموظف :
1- مستنداتك أول ماقدمت للجامعة ( لو كنت مسلمهم الأصل أما لو كانت صور مصدقة فماله داعي تاخدها )
2- صور الوثيقة بعد تصديقها
3- نسخ رسمية من كشف الدرجات
-----------------------------------
بخصوص التوصيات

1- روح للكلية وبالتحديد لسكرتارية قسمك وأطلب منهم نماذج التوصيات وقم بتعبئتها واختيار مواد من التخصص حصلت فيها على أعلى درجات وبعدها يقول لك الموظف أي الدكاترة متواجدين حاليا للتوقيع واحيانا تكون النماذج جاهزة وموقعة بس يحطوا الختم
اهم شئ ولاتنسى تتأكد من ختم النماذج من عندهم

اتمنى اكون افدتكم وفالكم النجاح والدرجات العليا ولاتنسوني من دعواتكم