بنات التحضيري دفعة 2012

[- H]

المشاركة الأصلية كتبت بواسطة Dr.MEEM هلا فيك حبيبتي انا الحمدلله انقبلت طب وحابه افيدك وافيد كل المستجدين :) اول شي وقبل تبدئين التحضيري حطي كل الاشاعات على جنب ! الي يقولك السنة التحضيرية صعب تنجحين فيها او حتى الي يقولك سهله بس مشكلتها اللغة انا من الحين اقولك كل شي بيدك دام انتي انسانة طموحه ! بالنسبة لي كنت واثقه اني اقدر اجيب درجات حلوة والحمدلله بس كنت خايفة من اللغة ! لكن اطمنك لاتشيلي همها واستمتعي باجازتك لان معهد الانجليزي الي بالجامعة يكفي ويطور لغتك وبتشوفين الفرق كيف من جد مرا فرق عن لغتي اول والحين الحمدلله :) بالنسبة للدراسة بتكلم عن المواد وايش الملخصات المهمه والدكتورات ! الاحصاء : مادة حلوة وسهلة بس ماكنت احبها :( استاذتي ماكانت مرا تمام وكنت مستصعبة المادة ! انصحك بملخصات اشرف بركات وانك تحضري السكشن الخاص بالمادة ( محاضرة اضافية كل اسبوع ) لان الاستاذة فيه تشرح نقاط مهمه وتحل تمارين ماتحلها استاذتك بالمحاضرة الاساسية وذاكري المادة مرتين او ثلاث قبل الاختبار واضمن لك الدرجة العالية ان شاء الله :) اهم شي في الاحصاء التدريب على حل التمارين واحسن دكتورة فيه اظن اسمها سماح العمودي حضرت لها كم محاضرة ومرا استفدت ! الاحياء : مادة مملة جدا ومشكلتها انها كثيرة مرا وتجيب الاكتئاب طبعا هذي المادة سببت رعب للدفعة بس انصحك تتجنبين الاشاعات وتذاكرين من السلايدات ( شرائح البوربوينت ) ولازم تذاكرينه اول باول .. او على الاقل قبل الاختبار ب 3 اسابيع واهم شي تراجعين لانو لو مارجعتي كل تعبك بيروح على الفاضي لانها مادة دسمة ! باالنسبة للدكاترة ماتفرق في هذي المادة بس افضل دكتورة .. د.حنان الشاذلي الكيمياء : ماادة جداا رائعة وسهله وكلها تقريبا نفس الي بالثانوي :) هذي المادة درستها مع دكتورة ليلى الحربي ( المسؤولة عن القسم واسئلة الاختبار ) الله يجزاها كل خير ويسعدها يارب مافي احسن منها بالشرح والاخلاق مرا حبيتها تخلي المادة ممتعة مرا وكل شي تقوله مهم ! وتهيئك للاختبار وتقولك ايش ممكن يجيك فيه ! مااحتجت ملخصات معاها بس اكتفيت بكتابة محاضراتها وذاكرت منها :) فيزياء : برضو مادة ممتعة وحلوة وماكنت احبها بالثانوي لاني مااافهمها بس حبيتها مع د. هناء فرحان الله يجزيها كل الخير .. جد كانت نقطة التحول بالفيزكس بفضل الله ثم بفضلها تخلي المادة سلسة وتسهل المعلومات لاقصى حد وتشرح ادق التفاصيل وتجاوب على اسئلتنا بدون ملل ! مبدعة مرا ماشاء الله .. كنت اكتب المحاضرات معاها واذاكر المخلصات الي تنزلها بموقعها ! اذا ماكنتي معاها ممكن تستعيني بملخصاتها وملخصات طلعت سالم الرياضيات : مادة حلوة وخفيفة برضو نفس الي بالثانوي ينعاد ولكن بتفصيل اكثر :) درست المادة مع استاذة كويسة بس كرفتنا بالمحاضرات الاضافية ماتعرف تستغل الوقت :( د. ليندا الزبن احسن من ناحية الشرح وتوصيل المعلومة :) بالنسبة للملخصات الكتاب يكفي بس لة حابة تاخذي ملخص اشتري اشرف بركات ! مهارات الاتصال : مادة خفيفة مرا وماتحتاج جهد .. اهم شي فيها تسلمين التكاليف بوقتها اما المذاكرة قبل الاختبار بيومين تكفي ان شاء الله الحاسب : مادة حلوة وممتعة بس الجزء النظري كان يتعبنا في المذاكرة اما العملي مافي احلى منه :) مادة خفيفة وبرضو ممكن تذاكرينها قبل الاختبار بيوم او يومين ! الانقلش : 4 مستويات .. تختبرين اختبار تحديد المستوى وتبدئين منه مرا راح تستفيدين منه في تطوير اللغة + ماراح تتعبك في المذاكرة بس مشكلتها الدوام الطويل المتعب المقرف وليفل 4 يمكن هوا الي راح تكرفين فيه لانه يحتاج جهد ! هذا كل الي عندي واتمنى تستفيدين من كلامي الله يوفقك قلبي ويسهل لك هالسنة ويعديها على خير أختك / مرام

شكككرا مراا مراا

[- H]

المشاركة الأصلية كتبت بواسطة noonz وعليكم السلام ورحمة الله أهلين فيكِ ياقلبي أول شيء أبغاكِ تشيلي الخوف من بالك ، لاتحطمك النسب اللي وقفت عليها التخصصا فـ دفعتنا ! صحيح ما أنكر أنها كانت عالية وخصوصا الطب بس أنتِ قدها إن شاء الله بالنسبة للتحضيري فـ هيّا سنة جدًا سهلة أذا أعطيتيها حقها والله كلنا كنا متخوفين منها فالبداية و دا شيء طبيعي بس صدقيني والله أن أغلب الدروس اللي فيها مُعادة مع فارق اللغة ! وأرجع وأقول اللغة لاتخليها عائق قدامك .. بالنسبة للمذاكرة ، أذا ذاكرتي أول بأول ووفيتي المادة حقها أن أضمنلك الـ 5 شوفي المواضيع اللي فوق أكيد شفتي تجربتي ! والحمدلله أهو اتخصصت طب =) يعني كلامي مو من فراغ :p وبس ، الله يسهلك وييسرلك يا دكتورة

اهلاا بالرهييبة
موضوعك مراا رهيب وكلامك رهيب وكل ابو شي
نورتي الحتة ..

[crazy chance]

المشاركة الأصلية كتبت بواسطة - h السلامو عليكم .. شفت انا جدول التسكين لدفعتكم 2012 و ماشالله الموزون اللي الطب وقف عليها عالي جدااااً ! و انااا مراااا خاايفة من التحضيري وابغا اعرف كيف طريقة مذاكرتكم كاانت ؟ و استاذاتكم مين ؟ وهل احتاج خصوصيين ولا لاا ؟ يااريت كل وحدة تدخل هناا وتكتب طريقتها في المذاكرة في كلا الخطتيين و طريقة تنظيمها لوقتها كماان مو بسس بنات الطب اي وحدة معدلها و موزونها عالي عشان انا و التحضيرييات الجدد اللي زيي نستفيد و شككرا مقدمااا

مرره لاتخافو من التحضيري هيا ماهي صعبه قد ماتحتاج تركيز ومذاكرة اول باول اللي تاخذه تذاكره نفس اليوم ونهاية الاسبوع تراجع اللي اخذته وتسال الدكتور لو مافهمت او فهمتي وصدقوني تجربه وسنه رائعه بس تحتاج لجهد قليل منكم وعدم التساهل وتاجيل المذاكره ومبروك قبلوكم بالجامعه نورتونا

[- H]

المشاركة الأصلية كتبت بواسطة crazy chance مرره لاتخافو من التحضيري هيا ماهي صعبه قد ماتحتاج تركيز ومذاكرة اول باول اللي تاخذه تذاكره نفس اليوم ونهاية الاسبوع تراجع اللي اخذته وتسال الدكتور لو مافهمت او فهمتي وصدقوني تجربه وسنه رائعه بس تحتاج لجهد قليل منكم وعدم التساهل وتاجيل المذاكره ومبروك قبلوكم بالجامعه نورتونا

شكراا
منورة بيكم يا دفعة 12