يا اهل الخبره ساعدوني فيما لا اعلم :(

[Unfamiliar ~]

السسسسلام عليكم
كيفكم


انا طالبه عن بعد خلصت التحضيري وبانتظار يفتحو التسكين
المهم ابغ احول انتظام كيف ومتى؟
ابغى احول انتظام وادرس قانون .. بس على ايش احول ما ادري
قولولي كيف الله يسعدكم وفين اي كليه؟


يعافيكم ربي

[حمودي اتصالات]

التحويل من تعليم عن بعد لانتظام مش متوفر لكل التخصصات

فقط المتاح تخصصات كلية الاداب

[Unfamiliar ~]

ليش يعني مافي امل ادرس قانون انتظام
مافي اي طريقه تانيه طيب؟ معقول قد كدا تحطيم
نسبتي مرا عاليه ودرجاتي فل ماتشفعلي؟

[WLD KSA]

الدكتور حمودي قال مافي فقط كلية الآداب

طيب يا اختي عندي لك حل وروحي استفسري من الجامعة عن هذا الشي الي بقوله

وهو ان التحويل ما يقبل الا لتخصصات كلية الآداب صح ! حلو
قولي لهم انك لو حولتي اول ترم في كلية الآداب وبعدها طلبتي تحويل لقسم القانون هل النظام يسمح بهذا الشي ؟

جربي هذي الطريقة وان شاء الله ربي ييسرها لك

[حمودي اتصالات]

طيب من البدلية لية ماتدرسي انتظام بدل ماتروحي وتجي

[Unfamiliar ~]

المشاركة الأصلية كتبت بواسطة wld ksa الدكتور حمودي قال مافي فقط كلية الآداب طيب يا اختي عندي لك حل وروحي استفسري من الجامعة عن هذا الشي الي بقوله وهو ان التحويل ما يقبل الا لتخصصات كلية الآداب صح ! حلو قولي لهم انك لو حولتي اول ترم في كلية الآداب وبعدها طلبتي تحويل لقسم القانون هل النظام يسمح بهذا الشي ؟ جربي هذي الطريقة وان شاء الله ربي ييسرها لك

شكرا على ردك


تانيا والله فكره مع اني بضيع ترم بس احسن من ولاشي
يبغالي اكلهم المشكله محد يرد علي
وكمان سمعت مسموح التحويل لمرة وحده بس فمدرس ينفع او لا

[Unfamiliar ~]

المشاركة الأصلية كتبت بواسطة حمودي اتصالات طيب من البدلية لية ماتدرسي انتظام بدل ماتروحي وتجي

حمودي وضح لي اكتر كيف يعني؟
والله مني فاهمه نظام الجامعه المعقد دا
انا من البدايه ماكنت انتظام كان عندي ظروف وانتهت وابغ انتظم دحين
ساعدوني

[حمودي اتصالات]

اختي اقصد انك تسجلي كطالبة منتظمة بالجامعة من البداية بدل ماتسجلي بالتعليم عن بعد

ولاكن تو اطلعت على تسجيل الانتظام وللاسف اتقفل التسجيل :(

واذا كنتي من سكان جدة حاولي تراجعي الجامعة وتستفسري من هناك افضل لان ممكن يكون في مجال

لاني بتكلم بالشي اللي اعرفو واللي وصلني من مصدر مؤكد ان التحويل لكلية الاداب

انتي جربي تروحي تسألي يمكن في تحديث لنظام

وربي يكتبلك اللي فية الخير يارب