تجمع طلاب صيفي مادة بحوث عمليات شرح ورد على استفسارات ..!!

[المُعلم]

السلام عليكم ورحة الله وبركاته:
اخواني الافاضل، لازم نبعد عن التشتيت ونصفي الجو، لذلك عشان ترتاحون على كل واحد يختار له ملخص ويبدأ يطبق التمارين لان دراسة المادة تعتمد على كثرة الممارسة في حل التمارين فكل واحد يحسب حسابه على مدة لاتقل عن عشرة ايام في كل يوم يستلم موضوع وباقي الايام يخليها مراجعة لهذه المواضيع، حيث انه عندي اسئلة شاملة لهذه المواضيع سانزلها في احد الماكتب عند الجامعة، واعطيكم خبر باذن الله،،

في البداية سنبدأ بدردشة لبعض المواضيع وبشكل سريع ويتخللها الرد على بعض الاستفسارات وناخذ كم يوم لنتفق على احد الملخصات الي تختارونها ونبدأ نشرح عليها (هذا الحل الافضل)، فحاولوا بدري تختارون لي ملخص عشان قبل ما احد ينزلها او ياخذه اراجعه واراجع حل التمارين لان في بعض الملخصات قد يكون هناك اخطاء، وانا كنت باعتمد لكم ملخص الاخ الطيار ولكن وجدت تقريباً خطأين في حله للتمارين في اول درس فقط ولم اراجع باقي ملخصه، عشان كذا نبغى نشوف اذا فيه احد الاخوان عنده ملخص طيب عشان باذن الله يكون شغلنا مرتب ولا خوف عليه،، بس اهم شيء وحدوا لنا الموجه وحاولوا تتفقون لنا على ملخص لنبدأ متوكلين على الله..

ملاحظة مهمه/ من يتخوف من المادة ومن يسأل عن المادة واخص بالذكر طلاب الصيفي بان ياخذوا مع هذه المادة مواد سهلة لان المادة "بالعربي" الي يبغى يعديها يمارس حل التمارين بشكل كبير مدة لاتقل عن عشرة ايام واكثر لمن يبغى الامتياز، المادة سهلة جداً جداً وحتى السمبلكس الي مجنن الطلاب سنقضي عليه بتوكلكم على الله واجتهادكم في الممارسة وقبلها اكيد المتابعة وباذن الله لكم احلى اليالي واجمل السهرات مع هذه المادة، وسترون التبسيط في شرح المواضيع.، وباذن الله سانزل في الاخير ملخص لجميع القوانين.
قبل ما نبدأ في المواضيع، لازم انك تعرف بان المادة وش تهدف، وبالمتخصر:

ان المادة تهدف الى اتخاذ القرار الافضل من بين البدائل المقدمة بين يديك، يعني اذا كنت مدير شركة وقدموا لك بيانات مطروحة امامك، السؤال يكون كيف تختار البديل الافضل من خلال الحل بالطرق الستة الي هي مواضيع المادة.. فقط هذا كل مافي المادة،، فعلى مدير الشركة مثلاً ان يختار افضل البدائل ان كانت عوائد او ارباح يختار اعلاها او اقصاها، وان كانت تكاليف يختار اقلها او ادناها،،

هذا كل مايجيك الاختبار عنه ويقولك ابغى الحل بطريقة كذا