إستطلاع عن إختبار المناطق اليوم لمادة الحاسب والانترنت com312

[Ya.seen]

المشاركة الأصلية كتبت بواسطة fayiz يا حبييييييييبي الكتاب المقرر هو الإعلام القديم والإعلام الجديد للدكتور سعود كاتب للأسف أن الكتاب تقرر في الدورة التأهيلية عندي تحفظ على الكتاب والمعلومات الغبارية الموجودة فيه. أجل الكتاب يقول: وسوف تنتشر هذه التنقية في عام 2005م سلامات يا دكتور الحين 2012م وفيه شباب قدموا منح مبكرة على 2013 وإنت على 2005 و1999م.. قهر والله من جد... كل هذا علشان يبيع له كم نسخة يستفيد من روانا.. حسبي الله ونعم الوكيل

هلا اخوي فايز
وش ذنبنا اللي في المناطق ما درينا عن تغيير المنهج !!!!
وبعدين انا اشتريت الكتاب عن طريق dhl من مكتبة خوارزم وهي معتمدة من قبل الجامعة !!
يعني معقولة حتى مكتبة (خوارزم) ما عندهم خبر عن تغيير المنهج ؟؟؟ والله كارثة !!!
هذي ما يبي لها شكوى للدكتور أنمار ولا مدير الجامعة .. هذي يبي لها منظمة حقوق الإنسان :)
أو ندخل كلنا على أبومتعب الله يحفظه !!


وبالنسبة لـ (الكتاب والمعلومات الغبارية الموجودة فيه) ترى كتابنا أطين منه بكثييييير
كتابنا اللي اعتمدنا عليه ( تكنولوجيا الاتصال الحديثة في عصر المعلومات ) مليان معلومات مغبرة
واللي يقهر ان أكثرها عن مصر بحكم ان المؤلف مصري ومعلوماته قديمة جداً
تحس انه طالع من كهف زي أهل الكهف
هذا غير الأسلوب الركيك والمعلومات المشوهة والناقصة

الوضع مؤسف ومخجل للغاية !!