تجمع بنات [ بحث وَ تدريب ] الترم القادم 1432-1433 هـ

[Esou.zn]

المشاركة الأصلية كتبت بواسطة شعاع الألماس بنات الحقوووووووني انا السمستر الجاي عندي 7 مواد مع البحث والتدريب ينفع اسوي البحث الحين؟ واذا سجلت مع اي دكتوره مابقولها اني سويت البحث من زمان ويصير بس اعدل بحثي بالشروط اللي هي طالبتها في البحث ينفع او لأ؟ واش اختار موضوع بحث سهل في المناقشه وفي المصادر الله يريح عليكم لو ريحتوني وكيف احول طالب متوقه تخرجه عشان يصير اقدر اخذ اكثر من 18 ساعه؟ اذا بداية الترم حتتملى الشعب وانا ماسجلت اش اسوي ولاتقولو لي خذي صيفي مررررررررا ماينفع لاننا بنسافر ولا تقولو لي تخرجي الترم الثاني لاني خلاص ابغى افتك من الجامعه ومن فين اجيب الدراسات... عارفه من المكتبه المركزيه بس اي دور وفين يمين ولا يسار وكل وحده تقول لنا تجربتها مع الاستاذه اللي اخذت معاها من حيث سهولة التقرير والبحث والمناقشه بانتضاركم عارفه كثرت عليكم بس ماعندي غيركم وربي شايله هم

* تقدري تعملي البحث من الحين عادي بس انتبهي بعض الدكتورات مايعجبهم اي موضوع يعني احتمال كبير بعد ماتعمليه تقولك غيري الموضوع مو عاجبني ف الافضل انك تنتظرين ..

* مواضيع المراجعه تلقي لها مرجع كثيره بس مو سهله في المناقشه
كمان مواضيع المصروفات والايرادات تلقي كثير وسهله بس الاغلب مايرضى انو البحث يكون كذا بس التقرير ممكن يوافقو عليه

* طالب متوقع تخرجه هذا في بدايه الترم تعبي الاوراق المطلوبه وتوديها للشؤون التعليميه
تروحي تسألي مرفتك وهيا تعلمك ع الاوراق

* اذا امتلت الشعب وكانت كها مقفله او متعارضه ممكن يوسعون لك الشعبه اللي تناسبك بس فيه احتمال يقولون لك احذي الماده المتعارضه وغيري موعدها يعني توقعي انهم يسون معاك نذاله او يخلونك تدرسين طول ايام الاسبوع لان انتي 7 مواد صعبه انك تفرغين يومين للتدريب موادك كثيره وماظن انك تقدرين تحصرينها في 3 ايام بس

* بالنسبه للدراسات ماعرفها لان استاذتنا ما طلبتها مننا

وبالتوفيق