أسئلة للرجال فقط ( ممنوع دخول الجنس اللطيف مراعاة لمشاعرهم )

[الاهلاوي]

بسم الله
تقريبا كل وحدة بنظامها او بالشي الي يربيها

15 - كيف تتعامل مع البنت الدلوعة ؟
اشد عليها شوية الين تتعدل حتى لو وصلت لحالة البكى
لان الدلع مشكلة كبيرة

16 - كيف تتعامل مع البنت الي تسوق الدلع ( يعني تتمجغ ) ؟
انا مرة احب السواقة في اي حاجة كمان اتعامل مع وحدة سويقة
يارجل اخليها تلعن اليوم الي تعلمت فيها السواقة
لسه يبغالهم كورسات في الحواري

17- كيف تتعامل مع البنت البارده ؟
اذا ابغى حاجة منها اشوف حاجة تحبها و..... يعني شوية سواقة اوديكي السوق, البحر ...........
يعيني على التربية الي اربيها هيا اذا كانت تبغي مني حاجة
اتعامل معاها مو ببرودة البرودة

18 - كيف تتعامل مع البنت الخجولة ؟
انا ملخبط بين شيئين لانه كثير من الناس يعتبر الخجل والحياء صفة وحدة
الي اعرفه انه الخجل صفة ذميمة لازم يتخلص منها اي واحد والحياء صفة جميلة الكل لازم يتخلق بيها

بفهمي انا مع الخجولة: حتعب معاها وهيا نفسها حتكون تعبانه اكثر مني لانها تستحي تقول الي تبغاه او تاخذ الي تبغاه , احاول ابينلها انه مافي شي عيب اذا كان مااتجاوز الحدود واعطيها اي شي تبغاه حتى تسيب هذي الصفة
بس من عندها صفة الحياء: اتعامل معاها بأعلى درجة احترام عرفتها لانها نادرة وخصوصا هذي الايام
كثير منهم ماعندهم حياء تلاقيم برة البيت بأشكال ومناظر الله لايوريك, عشان كذا تشوف البنات الي في الاغاني والافلام اشكالهم مقرفة وهم يحسبوا انهم وصلوا السما من احترام الناس بالشهرة
لو عندهم حيا كان هذي الصفة منعتهم واحترموا انوثتهم بس لا لا لا يوجد
هذا سبب فسادهم
اما الخجل كلهم زي بعض

19 - كيف تتعامل مع البنت العصبية ؟
انا اكره اي احد معصب كمان تكون بنت مرة صعبة احاول اخذ حاجتي بأقل احتكاك معاها , اذا عصبت حأعصب عليها شوية تروح تبكي لا يبوية خليني بعيد عن المشاكل

20 - كيف تتعامل مع تقيلة الدم ( بيض يعني ) ؟
احاول اني ما اشوفها قد ما اقدر لانها زي اللصقة واذا شفتها سريع سريع اخلص غرضي
اذا كانت معايه في البيت , نفس نظامها مو بيض البياض

21 - كيف تتعامل مع البنت المسترجلة ؟
كل يوم اربيها شوية الين ماتتعدل وتعرف انها مهي حقت رجالة

22- كيف تتعامل مع البنت فائقة الجمال ( يعني صاروخ دسكفري ) ؟
حلاوتها على عيني وراسي وممكن حلاوتها تشفعلها شوية بس اية صفة من الي راحت هيه عصيبة, ثقلية دم,..........
يعتمد

23- كيف تتعامل مع البنت القبيحة ( يعني الشاكوشه )؟
برضوا يعتمد على اي صفة عندها

24- كيف تتعامل مع البنت الحساسة ( البكايه ) ؟
يارجل البنت نيمو شوية وتاكلك
الحساسة : بأطيب قلب ,
البكاية: اذا والله بكاها وناسة هذي قصة كاملة
البكاية العادية: يعني اكون شوية طيب بس موكل وقت

26 - ايش الصفات الي تحبها تكون في شريكة حياتك مما سبق ، و ليش ؟
الحياء, الاحساس,الجمال
واحد يقول الدين...... طيب مادام عندها صفة الحياء فهذا هو الدين
حيائها يمنعها تسوي كل ما يعارض انوثتها والدين جا ليحفظ هذي الانوثة من اي طريق يجعلها تيبع انوثتها وكرامتها عشان نفس دنيئة او حاجتها للفلوس

اتمنى اني اخذ A+

تحياتي
الاهلاوي