اقتراح بفتح باب الاعتراض على القبول

[بيلف]

السلام عليكم

ياليت تقرا ردي وتفهم وجهة نظري و أختلاف الأراء

مع أحترامي لكلامك المرتب شفت موضوعك في قسم القبول عند د. محمد الغامدي

تصدق حنا شعب ما ينفع يكون مسؤول طيب معنا يعني يا حرام عالطول بنهاجمه
ويهج من طريقتنا الغير لبقه حتى لو هو جاي و ناوي الخير لنا

و يعني ترى هو سوا كان متواجد بالمنتدى للرد او غير متواجد ترى محدن بيحاسبه و يقول ليش ماترد ع الطلاب

ومحدن بيقوله أفتح قسم القبول في المنتدى و رد على الطلاب ترى عادي يقدر يرد رديين ثلاثه أو
يثبت كم موضوع ثم يهج و بعدها بتشوف غباره

لكن يعلم الله الرجال مومقصر ويرد ويتعامل مع الطلاب معامله مافيها الا الخير

وانت يا أخي جاي تحاسبه على مشكلة أجتماعيه بحت ( الواسطة ) في القبول ؟؟؟

يعني بعض المواضيع مو وقتها هالحين و مو بهالسنع بعد

هل أرسلت له رسالة ع الخاص ؟

هل أرسلت رسالة ع أيميله ؟

بعدها أفتح النقاش بالموضوع على العام ولكن من دون ما توجه أصبع الأتهام للشخص بعينه
راح توصل له الفكرة من خلال النقاش و أعطيه رايك بأفكار أو أكثر من طريقة

مشكلة الواسطة حلها يبدا من الراس الكبير بداية الهرم ( مدير الجامعة )
لأنه بيده سلطة وقادر على أتخاذ القرارت

ترى الموضوع مو بالسهوله اللي تتكلم فيها

في الأخير هو يعتبر الأفضل حتى لو قلنا أفضل السئيين بس بهالطريقة مافي احد بيتقرب منا

لاننا ببساطة نحاول نحرج و نعيب و في الأخير لا أنحلت المشكلة ولا حتى أستفدنا من قرب تواجدهم


أدري كلامي غير منطقي في دول ثانيه لكن في دولتنا و في وسط باقي الجامعات وعدم محاسبة المقصرين و وزراء و و و يعتبر هذا المنطقي

و ترى لا تظن انه قادر على أتخاذ قرارات اللي لك عليها دون الرجوع للي فوقه اللي يمكن الواسطات تكون منهم بعد

واذا على الواسطات حتى وزارة التعليم العالي اللي يقال لك أنها موسسة أكثر تطور ومنها تبدا أعلى
مؤسسات التعليم و فيها ناس يملكون من العلم الكثير ما حلت هالمشكلة في وزارتها

أكتب من الايفون عذرا لو في تحوير كلمات