تكفوون اخواااني وااحد معدله عالي ومحتاج مساعدتكم في الوحش انجلش103 + احياء

[M!SS Lara]

اخويآ تفكيرك بالماضي وربي بيضيعك ..
لاتخلي الدرجات هذي تعمي عيونك عن اهدافك ..
حطها على جمب .. وشد حيلك كويس لأقصى اقصى طاقه وحتشوف كيف تذهل نفسك بالدرجآت الي تجيبها وماتوقعتها!


الانجليزي = صم صم صم الفوكابلري وادرس القرامر من ورا الكتآب وبس .. واللسننغ والريدنغ دي بتعتمد عليك انت بالمحاضرة .. شارك فيها على قد ماتقدر وحتشوف نفسط تتطور ..

الاحياء = لاتخاف ابد لانو فيها بونس محترم اكيد واقلها تقريبا 5 درجآت ..
وغير كده .. لو بدأت تدرس الاحياء من دحييين وراجعته مرتين .. أضمن لك تجيب الفل مارك .. واذا نقصت فمستحيل تنقص اقل من درجتين !
انت دحين جايب 22 في الدوري الاول + خمس درجات البونس =27
لو درست كويس زي ماقولت وفرضنآ انك نقصت بس درجتين فيعني تجيب بالدوري التاني =28
مع الفاينال مثلا جبت 37 من 40 فالنتيجة انك حتجيب 92 في الاحياء .. يعني a !
فشايف كيف انو الامل ماانتهى ..
بالتوفيق

[Abdullah Al-juhani]

أول شيء اللي صار مقدر ومكتوب أنت توكلت على الله وأتخذت بالأسباب
الفرصة ما زالت أمامك أخوي وبإذن الله الهندسة يقبلوا كثير لا تخاف

عندك أخونا الدكتور العزيز محمد داوود
في الإنقليزي أظن كان جايب c+ بس عوض في المواد الثانية ما شاء الله
أنسى اللي ورا وفكر باللي قدام إن قصرت قد تكون هذه صافرة تنبيه حتى ترجع مثل أول
أتوكل على الله وأعلم أن ما أصابك لم يكن ليخطئك وأما أخطأك لم يكن ليصيبك ( قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ )