أناخايف بعد أسبوع عندي مقابلة شخصية لوظيفة معيد ولاني شي عارف تكفون مساعدتكم يا أخوان

[Dr. statestic]

الله يجعلها من نصيبك ان شاء الله بقولك نقاط ممكن تمر عليك بالمقابله وممكن لا لانها كل كلية وكل قسم يختلف في طبيعة اسئلة المقابله
1- ركز على مواد التخصص وراجعها بشكل سريع وغالبا على اساسيات المواد في التخصص ممكن يجيك سؤال منها
2- لا تنسى تاخذ نظرة على بحث تخرجك ممكن تنسئل فيه
3- أسئله ثقافه عامه (جديد الأخبار السياسية والجرائد )
4- ممكن ايش اخر كتاب قرأته وايش استفدت منه.
5- سؤال غالبا يتكرر لو انقبلت عندنا ان اشاء الله ايش راح تضيف للجامعة او لقسمك الي راح تنتمي له
6- ممكن تنسئل أسئلة بالانجليزي عشان يعرفوا كيف تكون لغتك الانجليزية.
7- أسئلة في المحاظرات لما ان شاء الله تكون معيد لو عندك طالب مهمل ومشغول كيف تتفاهم معاه او كيف تجذبة
8- لو طالب سألك سؤال ما عرفت تجاوبة ايش يكون موقفك وكيف تتصرف
9- لو طالب صحح لك معلومه وقال لك يا استاذ انا قريت عن المعلومه انها بتكون كذا وكذا ايش يكون موقفك وكيف تتصرف
هذي كلها مرت علي خلال تقديماتي على وظيفة معيدة وان شاء الله الأخوان والأخوات الي عنده معلومه ما ذكرتها يذكرها ويفيدك

ومرة ثانية اقولك موفق والله يعطيك الي فيه خير لك