تجمع الطالبات المستجدات بماجستير الأحياء 1432-1433 هـ

[شتاء يختزن الرعود]

المشاركة الأصلية كتبت بواسطة فــــــــــــــــرح الله يسعدكم ويوفقكم ياريت تساعدوني وتجاوبوني على اسئلتي اذا تعرفوا أكيد كنتو زيي قبل ماتبدأو الترم الأول أنا إن شاء الله ح أبدأ هادا الترم وفي قائمة الشعب هذا الترم (الترم التاني) مو نازلة مادة إحصاء حيوي ولا ندوة بحث سؤالي الأول: هل أقدر أخذ بدال هاذي المادتين الإجبارية مادتين إختيارية ويسير أخذهم الترم اللي بعدو (الترم الأول من السنة الجية) لمن تنزل؟؟ سؤالي التاني: انا تخصصي حيوان المواد الإختيارية لازم تكون نفس تخصصي ولا عادي لو أخذت من الوراثة او الميكرو ولوعادي أخذ مواد من التخصصات التانية هل مواد التخصصات الاخرى تفيدني في دراستي؟؟ سؤالي الثالث: أقدر أخذ 15 ساعة في الترم اي خمسة مواد كل مادة بثلاث ساعات ولا النظام مايسمح؟؟ أخيرآ رجائآ رجائآ رجائآ إذا ماعرفتو أجوبة لأسئلتي ممكن تسألولي المشرفة على قسم الأحياء او مشرفتك الخاصة أحتاج لأجوبة عشان بكره يبدأ الحذف والإضافة وابغى اسوي جدولي( وليس لي بعد الله إلا انتم وهذا المنتدى) وأشكركم على هذا التعاون الجميل فيما بينكم وعلى هذا الموضوع المفيد وبلأخص الأخت (شتاء يختزن الرعود) جزاها الله خير الجزاء وأعتذر لإطالتي..

ياهلا فيك أختي فرح

بالنسبة لمادة إحصاء حيوي للدكتوره نعمات ومواضيع خاصة للدكتور ياسر نازلة بالشعب وهذي مادتين اجباريه لابد تدرسيها قبل البدء في مواد الماجستير

أما بخصوص ندوة البحث فهذي المادة تكون على المستوى الثالث أو الرابع من الماجستير وهي الجزء النظري من الرساله وتنزليها بناءً على توجيه المشرفه ..

والمادة الإختياريه هي غالباً بتكون مادة تدرسك فيها المشرفة وتنزليها بناء على طلبها من المرشدة وانتي الآن بدون مشرفه ..

تستطيعي اضافة مادة ثالثة وذلك بالرجوع للمرشدة الأكاديمية الأستاذه هنادي الأسبوع الجاي حتى تنزلك المادة ..

موفقة عزيزتي

..