مقارنة بسيطة ، إنه عاالم الطب ♥

[بَيلسًآنٌ]

د/ دآوود
عندي استفسار عن درجاتي هل تؤهلني لدخول
مجال الطب :(
درجاتي كالتالي :/

الأنقلش 95
الكيمياء 90
الاحصاء 95
الأحياء :( 83

ومعدلي : 4.66

الرجاء إفادتي : (
وكل شكري

[محمد الداود]

^
مآآآآ شآآآآء الله ، درجاتك حلوة ^_^ وتقدري تدخلي الكلية
بس عشان تضمني بإذن الله دخولـهـا ، حااولي تعوضي النقص الحاصل في الأحياء
بأنك تخلي [ هــدفــك ] أنك ما تنقصي "ولا درجة" في الترم الجاي
صحيح شي صعب ! لكن ، مع العمل الجاااااد والله لا مستحييييييييييل

والله المعين على الطريق ،..

[بشائر الفرح =)]

المعذذره ع التأخر
شكرا أختي بنت الضحى على إدراج الرابط الأصلي للآخ losfer

http://www.mediafire.com/?uunixng4mdpptyt


كل التوفيق أتمناه لكمم ^^

[warm ice]

ماشاء الله !
تحسون كذا ناس ناذرة حياتها ومكرستها للخوض في معمعة الكتب والصورة أكبر دليل < طالعة منها
جد غاسلة يديني وكراعيني بعد منه
مو عن شي والله بس مو ميولي أبد
من ناحية أنظمة كليات الجامعة , أكيد مو بس الطب كذا
على طول دش بالوجه بدون حتى ما يعطون أساسيات .. ومين ياكلها ؟ الطالب طبعا :s
الله يعينكم ويسهل عليكم دكتورات ودكاترة
ويوفق كل من يبغى الطب وحاطه هدف نُصب عينه (:
وإن شاء الله ربي مو مضيع تعب أحد

المشاركة الأصلية كتبت بواسطة bashair ib كويس عشان انا شايفة الشعب كلو طب كانو اخر تخصص بالعالم ناس منجد حابة تدرس وناس تبغا البالطو حق الطب والحرفين الي قبل اسمها :p

^
هووووووا ده !
أنا مفجوعة! كلما سألت وحدة قالت طب وهي مو حوله أصلن!

[غزا]

شكراً لكل من شارك في الموضع جداً استفدت منه

شكرا محمد الداود

[losfer]

جزاك الله كل خير دكتور محمد على اهتمامك وجهدك في المنتدى وفي قسم التحضيري بشكل خاص .
ما نراه منك يستحق الإشادة .

وأتمنى من دفعة 12 أن يعذروا تقصيرنا نحن طلاب التخصص وعدم تواجدنا لتوضيح الصورة ونقل الخبرة بشكل كاف فما يبذله الدكتور محمد الداود هو مايفترض بكل من استفاد من هذا المنتدى من دفعتنا أن يفعله , ليس تفضلاً وإنما رداً لدين وواجب حملناه ممن قبلنا .

لكم كل الود .

[بَيلسًآنٌ]

^ مآآآآ شآآآآء الله ، درجاتك حلوة ^_^ وتقدري تدخلي الكلية بس عشان تضمني بإذن الله دخولـهـا ، حااولي تعوضي النقص الحاصل في الأحياء بأنك تخلي [ هــدفــك ] أنك ما تنقصي "ولا درجة" في الترم الجاي صحيح شي صعب ! لكن ، مع العمل الجاااااد والله لا مستحييييييييييل والله المعين على الطريق ،

شششآكره لك إهتمامك دكتورنآ :)
والله يزيدنا من فضله وأقدر أعوض النقص بإذن الله

يعني لو شديت حيلي في الترم الثاني بإذن الله مارآح يكون
الأحياء عآئق قدآمي :(

[محمد الداود]

^
يب بإذن الله ،
خصوصاً أنه على ما أعتقد درجتك اللي كتبتيها حق الإنقلش لـ level2 ، صح ؟
فيبقاك ٣ و ٤ كمان غير مواد الخطة نفسها ،

الخلاصة :-
مجال التعوييض أمامك كبيييييير جداً
والأحياء حيكون عائق ، فقط إذا خليتيه إنتِ عائق
وما بذلتي همتك في التعويض

وأسألي ربك من فضله ،..

[د.هيما السلمي]

المشاركة الأصلية كتبت بواسطة محمد عماد كلامك هذا صحيح لما تكون الكلية بتدرسنا بطريقة صحيحة ومو بالطريقة السيئة هذي الترم هذا الي درسنا = سنتين او اكثر في جامعاات اخرى ( زي هارفورد وغيرها ) فيه كلية طب في العالم تدرس طلابها منهج مكثف باثولوجي في نص ترم بسسس !!!! فيه كلية طب في العالم تدرس طلابها باثولوجي قبل ما يدرسو فيسولوجي !!!!! فيه كلية طب في العالم تدرس طلابها تشريح جسم الانسان كامل في ترم واحد بسس في المقابل جامعات اخرى بتدرسو على سنتين !!!! وغيرها ... وغيرها الكثيييير ...

اسمحلي اخوي وحبيبي محمد
النظام اللي مطبق الان يختلف تمام عن اللي قلتوا
صح في الكليات الاخرى (النظام التقليدي) ياخذون المواد على فترات طويلة و لكن .. ياخذون (كل) الباثولوجي (و ليس زينا رؤؤس اقلام ) يعني ياخذون باثولوجي لكل الاجهزة و كل شيء مرة وحدة
و البايو مثلها و هكذا لكن احنا ناخذ رؤوس اقلام (الا كتب ) عشان نفهم المواضيع اللي بعدها
ووه تعبت ..
و شكرا

[Anas Alharbe]

المشاركة الأصلية كتبت بواسطة بترولي مآكل هوآ ياويل حالي ,, يا عزيزي محمد ، والله اني في حيرة من أمري بشكل عجييييب .. ،، ياخي انا مالي توجه معين .. يعني مالي لا هندسة ولا طب ولا علوم ولا حاسب ولا أي زفت < عصب .. يعني حطني في أي كلية وان شاء الله اني ادرس واذاكر واجتهد وبسوي اللي عليّ ،، لكن المشكلة ان الاهل ضاغطين علي حبتين أني اخش طب .. خاصة أنو اثنين اخواني ماشاءالله دكاتره ،، زبدة الموضوع انا ماني حاب الشغلة هذي .. وللاسف مافي شغلة غيرها حابها< مدري ليش قاعد ادرس ؟ .. بما انك ماشاءالله عليك انسان شاطر وكذا ومدري ليش تهيألي انك دكتور طارق الحبيب .. يمكن الصورة .. اعطيني استشارتك الاخوية .. .. موفق في تخصصك والله يقويك

ومن سمعك يخوي
مدري ليه صرت احس الجينسس فيها لعنه هههههههههههه
كان عندي طموح وعارف ايش ابي ليما غيرت سيارتي واخذتها
وصاحبي بعد ضاع مستقبله ولا يدري وش يبي والصدمه ((معاه جينسس )) لا ابو ابوكي من سياره هههههههههه

حبيبي نرجع لموضوعنا والله ما اعرفك بس حسيت فيك لاني نفس الحاله
المهم يا عمي كلام الجرايد هذا وارسم مستقبلك على ورقه وخطط واتشقلب هذا ما يجيب الا ورا
مع احترامي لكل وجهة نظر تعارضني والله
لكن ياخي لو اخذنا نظره كذا على فترة ابو 30 سنه ورا نلاقي ما كان فيه هالكلام لا خطط ولا ارسم
وشوف ابوي وابوك وكبار السن الباقين ماشيه امورهم احسن من اليومين ذي
لا وبعد نيبه كبيره منهم ناجحين في عملهم .
العلم اللي يجمد على الشارب وانا اخوك :
لا تشيل هم ابد ومافيه شي صعب
انا هاذي وجهة نظري بالدراسه
ودماغك هوا نفس دماغ اللي درس وخلص ونجح
وانت بما ان عندك اخوانك دكاتره اسألهم واكيد تتذكر حياتهم ايام الدراسه .
غير كذا يخوي اعرف ناس لبكره تخرجو واللي لسع يدرسون طب
ياخي انصدم اقرا هنااا كلام واقابلهم شخصيا واجلس معهم الاقي كلام ثاني
خذ عندك هذا واحد من الشباب رابع سنه طب في جامعة طيبه , ما اتذكر اني رحت الاستراحه الا لقيته .
غير طبعن صاحب اخوي اللي نص حياته سفريات
واللي تخرج والحين دكتور واعطاني اياها من النهاااااااااااايه
قالي طب = حفظ .

عموما انا مالي ميول طبيه بس كان الوضع غريب اقرا شي واشوف في الواقع شي ثاني

عموما ترا الاكشن والرعب شوي يعطي لكل شي حلاوه

اتمنى افدتك اخوي وخذها مني اذا بتعرف ايش تبغا بيع الموتر هههههههههههههههه