بلييز بنات ساعدوني ف اسامي الدكتورات الكويسين

[A.kdh]

السلام عليكم.. بنات بلييز ابا اسامي الاستاذات و الدكتورات الكويسين لهالمواد:

احصاء اعمال
تمويل
اقتصاد كلي
نظم

انا اهم شي تكون الاستاذه تراعي في الدرجات
بالنسبه للتمويل بدي وحدة تفهم !!
وشكرا ;

[Dandona]

النظم خذيه مع دكتورة صباح الصومالي مرة طيوبة

[بنت ناس وقلبي ألماس]

المشاركة الأصلية كتبت بواسطة a.kdh السلام عليكم.. بنات بلييز ابا اسامي الاستاذات و الدكتورات الكويسين لهالمواد: وعليكم السلام ورحمة الله وبركاته... احصاء اعمال أنا أخذته أول سمستر لي في الكليه مع تغريد عبد الرزاق ما شاء الله عليها تشرح ومره طيوبه ولو ما فهمتي شيء ترجع تعيدوا لك الين ما تفهمين وكانت تأشر معانا وكمان اعطتنا بونس لكن هيا الترم اللي راح ما نزل اسمها ... تمويل أنا أخذته مع صايمه ما شاء الله عليها اسئلتها مره سهله في الدوريات وكمان تخليك تعمليلها نوتس عشان هيا وقت المحاضره ما تكتب لنا حل المسائل على السبوره كانت بس تقراها من السلايد لكن في نهاية كل فصل كانت تفتح الكتاب وتكتب معانا مسائل وتحلها لكن في النهائي عشان الاختبار كان موحد بعض البنات حسوا الاسئلة صعبه ,, لكن لو ذاكرتي كل درس بيومه وتدربتي على المسائل تبع الكتاب تدخلين النهائي وانتي ضامنه الفل مارك بس هيا يمكن بعض الكلمات ما تفهمينها منها ولو ما تبغين صايمة روحي عند نسمة أو خديجه أما سحر نصيحة لا تاخذين معاها تخسف لك درجاتك بشكل مو طبيعي... اقتصاد كلي أخذاتوا مع ايمان حسن ما شاء الله عليها كانت مره طيوبه وعسوله وتوصل لك المعلومه وغير كذا اختباراتها كانت مره سهله وقبل الامتحان تعمل لك مراجعة وتجي ثلاثة ارباع الاسئلة منها نظم أخذتوا مع صباح الصومالي مره هذي الدكتوره ما قد عمري شفت دكتوره زيها في الجامعة أخلاق وعسل وطيوبه وغير كذا شرحها مره حلو اما بالنسبة للاختبارات في هذه الماده فكانت موحده بين كل الاستاذات انا اهم شي تكون الاستاذه تراعي في الدرجات بالنسبه للتمويل بدي وحدة تفهم !! وشكرا ;

العفو يا قمر ...

[aiko]

التمويل اخدتو مع نسمه الصراحه مرا تفهم بس الدرجات تديك على قد جهدك و ماتزود بونس
مستوى اسئلتها متوسط يعني انا لمن دخلت الاختبار النهائي ماتفاجئت كان نفس طريقتها

[Joda Majed]

كفو ووفو البنات ،،

بالتوفيق

[My World]

ماقصروا البناات يعطيهم الف عافيهــ

[أنثى وحيدة]

بنات كيف اضيف احصاء اعمال

لازم من عند الشؤؤن لانو انا اداري تحضيري

[بنت ناس وقلبي ألماس]

^^^^^^^^
ايوه من عند الشؤون...

[ҳҲҳŔỜŔỜҳҲҳ]

الاحصاء صحبتي اضافتو من البرنامج اللي اول نزلوه هنا فالمنتدى

لو تعرفي احد عندو هالبرنامج خليه يضفلك هوا

وكبررري المخده لوووووول

[أنثى وحيدة]

اي برنامج ياعسسسل

وهي كانت اداري مافيا اروح واشوف خشش الشؤؤن الي تسد النفس عليهم مماطله تفقع القلب