لكل من اخذ فكره سيئه عن دكتور نزار تفضلوا ...

[نونا كراميلا]

المشاركة الأصلية كتبت بواسطة thamer070 بسم الله الرحمن الرحيم اسعد الله مسائكم بالمسرات انا احد الحضور اليوم بالاجتماع اللي صار وكلمت الدكتور نزار شخصيا وكلمت الدكتور عبد الله عبيد وكلمت دكتور ثاني يدرس احياء يعلم الله ياجماعه اني ندماااااااان اشد الندم على الفكر اللي كان براسي عن دكتور نزار يعلم الله انه طيب القلب ويحاول يرفع مننا والدكتور عبد الله عبيد عميد كليه العلوم ماقصر وضح لنا اشياء كثييييييييييييره واعطانا اسباب مقنعه لازاله التست بانك وانا صراحه اقتنعن بهذي الاسباب المشكله كانت تدور حول ماكتب بموقع ويلكم بايولجي بالدوري الاول والثاني انو مصدرنا الترينقق معا الاسف هي اللي ضيعتنا غير كذا كل اللي صار بصالحنا احنا انا يااخوان كل مواد توب ماعدا الاحياء مخسوف خسفه اليمه لكن اقتنعت انو الخطاء مو بس على الكليه صحيح الكليه لها نسبه من الخطاء يعطيك العافيه على دا الموضوع وان شاء الله في ميزان حسناتك ياارب.. انا معاك 100% الدكتور نزار انسان جدا طيب ويكفي البونس اللي يدينا هوا في كل اختبار والله لو واحد غيرو ما كان طل في وجهنا لكن (نحمد ربنا) والله يسعدوو يارب ويديه على قد نيتوو.. لكن احنا اخطائنا لما طالبنا بتست بانك ولما رحت بغيت اكلم الدكتور نزار يعلم الله مافي زي طيبته ومافي زي اسلوبه معانا وعلى فكره هو اللي وضع التست بانك القديم على الطلاب صار نقااااااااش طويل عريض حول هذا الموضوع وتقريبا من الساعه 8الصباح الين 3الظهر وانا رايح جاي بين المباني لكن بالاخير الحمد لله خرجت بقناعه الا تكه<حقت خطاء الموقع اللي اتمناه منكم الحين لحد يغلط على دكتور نزار على فكره ترا فكره ازاله التست بانك مو من نفس الدكتور الفكره من كليه العلوم كلها لانو ضيع الطلاب وهم صادقين والله الف شكر لكم واسف على الاطاله وادري وربي انو اسلوبي بالكتابه منسم بس تحملوني هع

الله يعطيك العافيه على دا الموضوع وان شاء الله في ميزان حسناتك يارب

كلامك سليم وانا معاك 100%
الدكتور نزار انسان مرره طيب ويكفي انو يرد علينا ويسمعلنا ويتجاوب معانا ..
انا كنت زيكم شايله بقلبي عليه لكن لمن رحنا انا وصحباتي عندوو للمكتب مرررررره اتأثرت لمن شفتوو حسيتو مخنوق وصوتو مبحوح مرره وجالس يقوللي يا بنتي الطلاب مرره مو راضيين يتجاوبو معايا وقاللي انا ما راح احط اسألتكم حقت النهائي على اساس اللجنه هيا اللي تحطها للطلاب ونحنا الدكتوره سالينا تحطها لنا قلتلو لا يا دكتور نبغاك انت تحط اسألتنا قاللي انتو ما تبغوني وما تبغو احط اسألتكم <<مرره يحززن..
قسما بالله الرجال جالس يتكلم شويا ويبكي حسيتوو مظلوووم مرررررره ويتكلم برجفه
جالسين ندعيلوو انا وصحباتي حسيتوو فرح شويا لمن سمع الدعوات ..

حرام عليكم الدعوات اللي دعيتوها عليه انتو حطيتوه هوا الهدف وجالسين بتدعو عليه لوحدوو ونسيتوو انو هناك في لجنه هيا اللي تحط الاسئله معاه موو بس هوا لوحدو!

الله يوفقه ويسعده ويحققله اللي فباله يااارب ويديه على قد نيته ياارب..

اسفه عالاطاله..