طآوله التحقيقآت بعد آنقضآء ترم من التحضيرية / - شَآرككونآ - ! =)

[iRe]

لنا عودة بإذن الله
حجز الرد اللي مدري كم

[رؤى عمر Shidoka]

بسم الله

1- وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟ - تكلم بالتفصيل –
صراحة مرة كنت خايفة وكنت اقول انها حتضيع مننا سنة دراسة ع الفاضي كان زماننا تخصصنا وكذا وكمان كنت اسمع كثيرين يقولو انها صعبة و تضيع ناس وكثيرين ما دخلو التخصصات اللي يبغوها بس بصراحة عن نفسي حبيت دي السنة كثير و استفدت منها مرة ^^ ومتحمسة ع الترم الثاني كثير

2- لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟
انا كان قدامي خيارين ياجامعة ام القرى او جامعة المؤسس و قدمت للاثنين لكن سبحان طلع موعد القبول واستلام بطايق الجامعة ف الجامعتين ف نفس الوقت يوم الاحد يعني قدامي خيار واحد يا دي يا ديك بس طبعاً اخترت الاقرب و هوا اللي كان احسن لي الحمدلله و اكيد انو جامعة المؤسس احسن من ام القرى

3- هل كنت محدد ميولك وتخصصك قبل ان تبدآ بمشروع التحضيريه ؟
ايوة كنت محددة طب والى دحين الحمدلله ما في شيء وقف قدامي واعاقني يعني لسا فيه امل الحمدلله ويارب يوفق الجميع

4- رآيك الصريح ف .. / تعاون دكاترة القسم / سهولة المواد / .. "
انا بالنسبة ليا ياربي لك الحمد كل الدكاترة اللي درسوني من احسن الدكاترة ومن جد جيدين فكل شيء تعاونهم معانا و من شرحهم الرائع حسيت المواد سهلة الحمدلله

5- دوام التحضيري .. كيف تشوفه ؟ ضغط أو بالنسبة لك أريح ؟
صراحة بالعكس احس بمتعة مع انه فيه ضغط لكن برضو فيه متعة و مع انو نقعد ف الجامعة للعصر لكن لمت البنات بعد المحاضرات و الوناسة و وسع الجامعة يخلينا نعيش الجو وما نطفش لدرجة انو احيانا نفسي اقعد ف الجامعة و ما ارجع البيت بس ايش اسوي الامن يجرو ورانا و يطردونا خخخ

6- الاختبارات الدوريه و النهائية .. كيف تشوف مستوى اسئلتهـا ؟
والله الحمد لله كلها حلوة ما عدا نهائي الاحصاء بجد كانت اسئلة تخلي الواحد ما ادري كيف. يعني لدرجة و انا اختبر فيه بنتين تقريباً خرجو وهما يبكو من بعدها ماصرت قادرة اركز زي الناس وابغى اطلع ابكي معاهم من كثر ما ان الاسئلة زفت. حسبي الله عليهم بس

7- رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين "
ما احتكيت بالادارة ولا ادري مين هما اساسا هع لكن الدكاترة الى دحين زي العسل و ان شاءالله الترم الثاني برضو يكونو جيدين

8- معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟
الين دحين الحمدلله مانزلي غير الانجليزي ليفل تو تبع الفترة الاولى وكيمياء و الحمدلله كلو اي بلس ما اثر ف المعدل و ان شاءالله كمان الانجليزي ليفل 3 والاحياء يكونو اي بلس بس الاحصاءالله يستر منو ><

9- مقررات التحضيري .. في أول سنة هل تشوف انها مفيده ؟ او مجرد مواد عامـة ؟
هيا مواد عامة مش جديدة واكيد راح تكون مفيدة لينا باستثناء الاحصاء بالنسبة ليا >> مادة حاقدة عليها من قلب مال اوومها دااعي :8:

10 - بالنسبة لك ، وش اضافة لك التحضيريه حتى الآن من مهارات او اشيآء جديده ؟
صراحة انا معروف عني الهدوء و السكينة هع و الخجل بشكل وكمان كنت اتعامل واتكلم مع ناس معينين وكنت كره دا الشيء فيا واول ماتخرجت من الثانوي كنت مصرة اني اغير دا الشيء فيا و اكون اجتماعية اكثر والحمدلله احس اني تغيرت وكثرت صداقاتي فالجامعة وزادت ثقتي واعتمادي ع نفسي أكثر ولله الحمد

11- تكلم عن كل مآده على حدده - بالتفصيل - ؟
اولاً ابدا بالمادة اللي احبها اكثر شيء وووه فديتها الكيمياء هع
انا احب هالمادة بشكل مررة اعشقها واول ما تدرسني اي مدرسة كيمياء ع طول اقع ف حبها خخ من ايام المتوسطة الى دحين وانا افتكر المعلمات وهنا ف الجامعة الحمدلله دكتورة نهى وزان مررة ما قصرت معانا دكتورة رائعة وعجبتني كثير عموماً الكيمياء كانت مرة سهلة بس يبغالة تركيز شوية

اما الاحياء وما ادراك ما الاحياء صراحة الاستاذة انا كنت احبها شخصياً لانها طبيبة نساء وولادة >>> الشيء اللي هوا طموحي يااارب اصير زيها
كنت ف المحاضرات اتخيلها انا واصير اقول تخيلي يارؤى لو انتي مكانها و لو انك دحين دكتورة و...و... واغفل ع المحاضرة ولا ادري ايش كانت تقوول هههه >> احس اني طلعت ع الموضوع خخخ الموهم المادة من جد حلوة وكل اللي عليكم تسووه تحفظوها او باول

واخيراً الاحصاء هذا اللي ما ادري ايش اسوي فيه دي المادة ما احبها بس ما اكرهها ويبغالها تركيز قوي و استادتنا كامت سماح سندي مررة ما قصرت معانا الله يعطيها العافية
بس المشكلة ف الاسئلة اللي يحطوها المسؤولين >< الله يستر من نتيجتي

اما الانجليزي
انا خلصت ليفل 2 و ليفل 3 الحمدلله بس عموما اكره الانجليزي واحس ماخد كل وقتنا ف الجامعة وما نستفيد منه ف موادنا بالانجليزي
باختصار مادة تجيب الهم و تتعبنا واحياناً تشغلنا بالهوموورك و البرتفوليو ع حساب باقي الموااد وووجع ماني مصدقة باقي 4 ف الفترة الاولى من الترم الثاني و افتك منو الحمدلله

12- نصيحة .. ممكن تقدمها للطلاب المستجدين في التحضيري .. ؟
بسم الله ^^ اولا ابدؤو السنة و انتو متفائلين وابداً ما تحطو ف بالكم انها سنة تعجيزية او مملة او غير هذا لانو بجد حتستفيدو منها و حتحبوها اسمعو نصيحة مجربين، وبالتوفيق لكم


وبس وأخيراً خلصت