ماحصل في اختبار مبادء السياسه

[hmaada_109]

ايه ياصاحبي الله كريم
اليوم كان بيصير لي زيك بالضبط !!
نمت الليل الساعة 1 وصحيت صليت الفجر وما قدرت ارجع انام ورجعت ذاكرت للساعة 10 ورجعت نمت للساعة 1 وقمت صليت الظهر
الي صار اني اعرف ان اختبار السياسة مو مثل اختباراتي الي قبل كلها الساعة 8 الليل اعرف انه متقدم وانا راجع من المسجد اقول في نفسي انه الساعة 3 ومن اول يوم اختبارات وانا اقول انه الساعة 3 بس مدري وش الي شككني قلت ياولد خل شوف الجدول .. الساعة الحين 1.10 واشوف الجدول الا الاختبار الساعة 1 !!
كان واحد صب فوق راسي مويه باردة مدري وش اسوي واول مرة اتاخر واحتست بس الحمد لله اليوم اختبارات والطرق مافيها زحمه واشيل نفسي وبسم الله طبلوون وصلت حوالي 1.30 ودخلت مبنى 125 قلت انا عندي سياسة بس متاخر قال روح شوف لك قاعة واختبر عادي .. ارتحت شوي ودخلت وانا كلي ثقة اني مذاكر من مذكرة وحده هنا في المنتدى الله يجزاها خير حفظتها حفظ ومبسوط .. بس وش المصيبة ؟
والله ما ابالغ يا اخوان ويا اخوات كل المذكرة الي حفظتها يمكن ماجاء منها 5 الى 8 فقرات من 50 فقرة صح وخطأ وسلمت امري لله وحليت الي اعرف والباقي من راسي وحسبنا الله ونعم الوكيل .
(( الي ابي اوصله لك بعد قصة عمري هذي كلها لا تندم او تتحسف لاني تمنيت انه فاتني الاختبار وشفت الاسئلة بعدين وانصدمت قبل اختبر كان ذاكرت من غير المذكرة الي اخذتها من الموقع والعذر يتدبر او على قوله الاخوان لو فات موعدي وانا افكر انه الساعة 3 والله بقول الصدق والله بيخارجني ولكن قدر الله وماشاء فعل والحمد لله على كل حال ))

اسف طولت عليكم بس احس اني مقهور من الي صار لي اليوم.