سؤال للبنات : بخصوص اختبار الاحصاء !

[warm ice]

كان بين سهل وصعب بس أنا مشكلتي الوقت! مررره ما كفاني ._.!
راح أقط باللي أتذكره واللي كتبته مع الأستاذة بالمراجعة
شابتر 1 و 2 و 3 مثل الدوري الأول "أغلبه نظري"
الأول :
التعاريف + الفاريبل و الميجرمنت
يكون فيه مثال مُعطى وانتو تحددو نوع العينة أو نوع الميجرمنت
جاتنا فقرة عن العينات وأذكر أخترت "طبقية" لأن التقسيم فيها كان مره وحده
الأخطاء السبعة كمان جاتنا منها
"في إحصائية تم إختيار 4 دكاتره فقط لأخذ وجهة نظرهم حول .. بلا بلا "
حطيت ال سسبيكت سامبل العينات المشتبهه
الثاني :
جانا الستيم أند ليف "راو داتا" واحنا نختار التفريغ المناسب لها
جانا سؤال سخيف -_-
مُعطى شكل رسمة أذكر للـ فريكونسي بوليجون
وسؤال كم فيها Peak .. واحد
كمان جانا جدول مُعطى واحنا نحدد نوع الفريكونسي ديستربيوشن
قروبد ولا أن قروبد
الثالث :
جانا سؤال مُعطى فيه كذا فاليو وسميشن إكس و طالب المين والستاندردفيشن
وفيه سؤال
مدينا بيانات وصفيه "نومنال" واحنا نحدد الأنسب لها ناسيه صيغة السؤال بالضبط
بس الاجابة حتكون المود
كمان الأوتليرز "القيم الشاذة"
مممم وإيش بعد
إيوا جانا مثل سؤال 18 اللي بنموذج الفاينل
ناسيه صيغة السؤال برضو -.-
بس الاجابه أذكر a " الفاريبل في الشكل B أكثر من A"
شابتر 10-13
جانا مثل الدوري الثاني
جدول مُعطى والمطلوب السبيرمان رانك
برضو جانا إحسب قيمة الـb لريقريشن
مره سهله اسئلة هالشبترين وكلها قوانين وتطبيقها من الشيت
مهمة معادلة الريقريشن y'=a+bx
ومسمى الa اللي هوا كونسيست "ثابت الانحدار
b سلوب اللي هو المين
جا سؤال نظري عليها وحست فيه :|
نجي شابتر 4
أعفن شابتر بالحياة *~*!!
هنا قالت الاستاذة لا ترجعون لملخصات ونماذج لأنها بس حتلخبطكم
ذاكرو من الاكسرسايز اللي داخله معانا بالكتاب وبس
ومع هرجها قالت سالفة الكور اللي جابت لنا الطعن بالميد الثاني مو معانا
وسؤال الديتيكتف ترانزيستور محذوف وبالفعل الاختبار ماكان فيه لا كور ولا هم يحزنون D:
جانا قيمة لحادثة A وقيمة لحاثة B وقيمة للحادثتين (A and B )
وكاتب هي تندرج تحت أي ملتبليكيشن
حتكون تحت الـ "الإندبيندت إيفين" الحادثة المستقلة..
لأن بينهم and وهي تخص مستقلة وَ غير مستقلة
طب كيف نفرق بينهم؟ إنو في السؤال ما أدانا شرط يعني إندبيندت
أذكر حتى بالمراجعة حلته بالتفصيل وجا نسخ لصق بالاقزام
سؤال شابتر 5 اللي اذكره
الباينوميال و خصائصها الاربعة
جانا سؤال عن الفقرة الأولى بالنص
شابتر 6
فوق الـ5 اسئلة احتجت إني أطلع فيها القيمة الجدولية
من بينهم سؤال احسب المساحة تحت المنحنى "بيتوين"
مُعطى الستاندر ديفيشن والمين
(قيمة إكس 1 > z > قيمة إكس 2)
ناخذ قيم الإكس ونحولها لz بالقانون (إكس-المين مقسومة على الستاندر ديفيشن)
بعد ما طلعنا الz سكور نروح نطلع لها القيمة الجدولية من الشيت
ونطرح الكبير من الصغير تطلع لنا المساحة
< ذاكرته بالجامعة ومدري كيف جاني الإلهام وحليته :s !!

مو شرط ينطبق كل هالكلام على نماذجكم
و و ياليت كلما تذكرتم أي سؤال بالأحياء تقطونه بالموضوع إللي أنفتح أول :p

[the change]

الله يوفقكم ان شاء الله


ما افتكر أسئلتكم في الدوري اللي فات وهل كانت مشابهة لاختبارنا ولا لا

لكن على العموم هيا مارح تختلف كثير

نموذجي كان a:

- الشابتر الاول :

جانا أسئلة واضحة ومباشرة منه , بس لازم تكون فاهم وحافظ , عندك :
مستويات القياس صــ 7و8 اللي هيا الاسمية والترتيبية والفترة والنسبة

جانا مثال على واحد منهم وانت تختار هو أيت واحد منهم

+

جانا سؤال على انواع البيانات إللي هيا ((الوصفية والكمية)) , برضو مثال وتحدد هوا ايش ,, تلاقيه صــ 6

+ جانا سؤال برضو عن طرق اخذ العينات صـــ 10 و11 و12

برضو مثال وتختار هو ايش من ضمن الاختيارات


^

يعني كل اللي فوق تكون عارف تعريفها وأمثلة لها , إنتا لو فهمت التعريف حتعرف كل مثال وايش يناسبه

<<< ممكن تستعين بملخص السعدي في الجزئية هذه


شابتر 2 :

جانا جدول (( على ما افكر نوع الدم وشيء معاه حاطينه في جدول))

والسؤال يقلك هل هو : قروب ولا أن قروب ولا كاتوقرافي

وهذه تلاقهيا في الكتاب وبسيطة جدا وواضحة من صــ 38 لـ 43 .. مفرقة , لكل واحد حتلاقيله رسمه وتعريف توضحه


شابتر 3 :

قوانين ومسائل مباشرة , عندك القانون موجودة في ورقة القوانين

+

جدول خصائص((المين والمود والميديان والمد رينج)) صــ 116

+

سؤال : يقلك ايش اللي بنستخدمه في البيانات الوصفية\\ الاسمية ؟

فحتقول : المود mode



شابتر 10 والتابع له شابتر 13 :

جانا مسألتين وحدة عن السبيرمان رانك والثانية عن البيرسون ,, وكلها عبارة عن معطيات موجودة عندك في السؤال وانتا تعوض بالقانون اللي موجود عندك في ورقة القوانين وتطلع الاجابة


شابتر 4 و5 و6 : مساااائل

وكلو فهم وأكثررر أسئلة اختباري في هذه الشباتر كلها كانت عن الاحتماالات والدروس الاخيرة من شابتر 6

ومسألة كمان من شابتر 5

+ تعريفات شابتر 6 مهمة

+ أدانا مجموعة اختيارات ويقلك اختار منها اللي تُمثل باينوميال

ومن ضمن الاختياارت انو تم سؤال مجموعة أشخاص : هل بيمارسوا رياضة او لا , فطبعا إجاباتهم حتكون يا بـ نعم يا بـ لا فهنا هذا يعتبر مثال على الباينوميال << المثال ما افتكر بالزبط هو عن الرياضة او شيء اخر لكن يعني سأل مجموعة أشخاص عن سؤال والجواب حيكون يا نعم يا لا


- شابتر 6 و5 و4 لانها مسائل وتعتمد على الفهم هو اول شيء ركزوا عليه وذاكروه الحين , نموذجي كان مليااان مسائل كله مسائل

وبشكل عام زي مالاحظتوا من ردود اللي قبلي كان الاختبار شامل لكل اللي في المنهج

يعني تذاكروا بإلمام لكل شيء

وانا اديتكم الاشياء الرئيسية المهمة اللي تركزوا عليها



والله يوفقكم ويسهل لكم ^^

[iRe]

^
^
كذا الفزعه ولا بلاش
ايس+تشينج ~~~
تففففف ماشاء الله فاكرين الاسئله d:
ان شاء الله تكون اسئلتهم قريبه منا ،،
وموفقين ^ ^

[the change]

^

ايوا شايفة كيف الفزعة << ياشيخه

هههههه لا إله الا الله

ترا فتحت الكتاب عشان افتكر ايش اللي جا وايش اللي ماجا


والله الطلاب دايمن يفزعولنا خلينا شويا نردلهم جزء من الجميل << حتكبر روسهم الحين مايقدروا يخرجوا من باب المنتدى :d

[Koke-07]

الله يسعدكم ويسهل لكم .. صراحة الاختبار كامل صار براسي باقي العلة 5,,6 واشكر البنات وحده وحده والله يكثر من امثالكم . مووووووفقين يارب :)