اسئلة عن الدورات تكفون لاتبخلون بالمساعدة

[السيدة نكتة]

المشاركة الأصلية كتبت بواسطة واقعية السلام عليكم ورحمة الله وبركاته بنات انا سجلت بمعهد المشاعل شهرين لغة ب1500 هو ب3000 بس عملو عليه عرض ودفعت لهم امس بس مدري ليه مترددة خصوصا انو امتحاناتي قربت وماذاكرت شي لسه لكن محتاجة اقوي نفسي بالانجليزي لان بعد 3 شهور في امتحان انجليزي لازم اجتازه وانا بالقواعد مرررة ميييح وكذا وحدة قالتلي في معاهد افضل ادفعي بشي يفيدك او ماتدفعي زي ول ستريت نيوهرايزن اكسفورد هي صحيح غالية مرة بس تطلع الواحد بيرفكت بجد هل اذا طلبت الفلوس من المشاعل يرجعوها ؟ انا القواعد ابغى اتأسس فيها مزبوط اهم شي عندي احس شهرين قليلة خصوصا انو مو كلها دروس تقول موظفتهم اسبوع دروس واسبوع تدريب عملي اداري وكده مادري اش رايكم اش تنصحوني ؟

الانجليزي حقهم مو مره مفيد , وشهرين مايكفي بصراحة

إذا رفضوا يعطوك الفلوس وهذا اللي راح يصير تقدري تحولي من انجليزي لدورة ثانية وكثير عملوها

شوفي اش دوراتهم , اللي جربتها عندهم دورة تصاميم ودورة ثانية إدارة


وترى دورة الإدارة عندهم جزء العملي مره وحده تنزلي قسم المديرة تشوفي الفاكس وكيف تشغليه ومره بنفس القاعة تعملوا اتصالات فيما بينكم زي خدمه عملاء هذه يسمونها تدريب عملي
.

وكانت تعطينا واجبات سهلة لاتشيلي هم ولو إنت مو إدارة راح تستفيدي مرررره بس بنات الإدارة عندهم خلفية أكبر لان تخصصنا وقد درسناه


وهالدورة مافيها كتاب إنت تكتبي مع الاستاذة .


اما دورة التصاميم الواجبات عملي ومره حلوة مفيييدة والاستاذة نوره الزهراني ماشاء الله خبررره الله يوفقها وشرحها يجنن


ولو ماتبي تغيري الدورات وتبي الفلوس تقدري تبادلي مع احد هي تاخذ الدورة وتعطيك الفلوس في من سواها هالحركة اكثر من مره وهما ماكانوا يقولوا شي .


وإذا تبي تبادلي بااسم الدورة بس ماتبي الحين تدرسين برضوا تقدري ان سويتها أجلت دورة كم شهر وعادي اهم شي ماتعدي سنة من تاريخ توقيع العقد .


وممكن تسوي الاثنين تاخذي دورة وحده والثانية تعطيها احد وتاخذي فلوسها
منها تكسبي دورة ومنها يرجع لك جزء من فلوسك


موفقه