هيلبْ مـي . خطة ب . و جدول مراجعة للموآد .

[جيزان]

المشاركة الأصلية كتبت بواسطة Deev اوكي والله تحمسسست ،، عن نفسي >> اهم ششيي بزاكر الاحصاء من ( ملخص السعدي واشرف بركات دولا الاتنين مكملين لبعض + الكتاب والتعاريف واسئلتو + الاختبارات السابقه ) الكيمياء ( ملخص السيد او يوسف زويل + الكتاب التمارين + تست بانك او الاسئله القديمه نزلت لـ السيد في مكتبة 2000 ) الاحياء وماادراك مالاحياء لحد دحين ماستقريت ع كلمة بس عموما حقرأ السلايدات وحزاكر التست بانك ) وبسم الله وع بركة الله تبدأ بالاحصاء اشوفكم ع خير

ماشاءالله عليكي لقطتيها وهيا طايرة ,,, انا اخذت خطه ب الترم الثاني
وذاكرت الاحصاء من نفس الاشياء الي قلتيها والحمدالله اخذت a

الكيمياء برضو حلوة طريقتك بس اسئله الكتاب لاتاخذيها كلها لانها راح تضيع وقتك كثير
طبعا المذاكرة من ملخصات زويل مرررة روعه بما انه تخصصه كيمياء + النماذج الي فاتت مرة مرة مرة مهمه وياليت انتي تحليها بيدك قبل ماتشوفي الحل تنباع في مكتبه 2000 محلوله + ممكن بعد ماتخلصي الشابتر كامل ترجعي لملخص السيد لاني كنت اشوف فيه 5 او 6 افكار جديده مو موجوده بزويل واخذت في هالماده 88


وترا على فكرة بقولكم حاجه ( خطه ب احححححححلى واروع من خطه أ كثير ,,,, انا في خطه ب معدلي فوق 4 ونص وفي خطه أ 3 )
مااخوفكم من خطه أ هيا حلوة بس مررررة ضغط ومواد كثيرة وانشطه وقرف وسكاشن ويمكن لاني بدأت الجامعه بخطه أ
لاكن خطه ب مررررررررررررررة حلوة والله راح تستمتعوا فيها كثير وماراح تحسوا بحلاوتها الا بعد مااتعدوها
الله يوفقكم يااااااارب وكل وحده تدخل التخصص الي في بالها


وكمان عندي نصيحه ( في الاختبار طبعا الاسئله انجلش بس مو لازم تفهمي كل كلمه بالسؤال يعني مثلا في الكيمياء يجيبوا سؤال طويل وكلام كثير لاتخافوا وتقولوا مو فاهمين السؤال نفس غلطتي في الفيزياء كنت اجلس ابكي لانه السؤال طويل
بالعكس ادخلوا بروح متفائله واذا شفتوا سؤال لو 10 اسطر ابدا ابدا ابدا لاتهتمي انتوا اهم شي لازم تعرفونه ايش المطلوب بالسؤال فقطططططططططططط )

وماراح تعرفوا ايش المطلوب بالسؤال الا بطريقه وحده فقط ؟!
الي هيا انكم تحفظوا المصطلحات تماااااااااااااااااااااام + تحلوا تمارين اختبار كثير
وبإذن الله بعد احسن مني وتجيبوا +a