محتاجة مساعدكم في مواد جدولي بلييييز

[ام حمدان]

وعليكم السلام ورحمة الله وبركاته

هلا عزيزتي

ليه تبغي تحذفي وحده منهم ؟

جدولك كذا كويس وموادك ماهي صعبه

خاصه النحو ماانصحك تحذفيه نازل مع مس خوله استاذه ممتازه ماشالله وماتتفوت

والصرف سهل ويعتبرماده خفيفه نوعا ما
وعلم الاصوات ماانصحك تاخريه الاحسن تدرسيه مدام لسى في راسك اساسيات الصوتيات لانه يعتمد عليها
وكمان مع مس ليلى هاشم وانتي اكيد درستي صوتيات عندها وعرفتي اسلوبها فاخلصي منه الان افضل

ولعلمك لو حذفتي اي وحده من هذول المواد بتصير سنترا الترم الجاي ماعدا علم الاصوات بتصير سنترا السنه الجايه مو الترم الجاي

الفكشن مو صعب بس تعرفي مواد الادب تحتاج وقت وانتي لازم تنوعي في جدولك بين اللغويات والادب


عموما انتي اعلم بظروفك ووقتك

بس جدولك اشوفه مناسب ومايحتاج تحذفي منه شي

وعن المواد الحره

انا درست الترم الماضي علم نفس نمو psy241 مع مس ريم الحربي

كانت حلوه واسئلتها موضوعيه وتصحيح الي اخذت مني حوالي 4 ايام مذاكره ونتيجتي فيها عاليه الحمدلله

فممكن تاخذيها لو تحبي بس لازم تكون مع نفس الاستاذه لانه اسئلتنا كانت اسهل من بقيه الشعب


موفقه