تجمع طالبات ادارة الموارد البشريه بحث وتدربيب لعام 32

[المعتزه]

بنات البحث والتدريب اللي مع كاميليا الجناني
انا ارسلت لها ايميل وما ردت علي وانا بالرياض وودي ابلغها اني ودي اتدرب بمستشفى الملك تخصصي بالرياض

لاني من الرياض واتمنى توافق لانه برضوا مجال عملي بالمستشفى بس ماراح اقول لها اني موظفه هناك لان الاداره هناك قالوا لي نظام التدريب ما تتدربي في مكان عملك مع العلم اني في قسم ما له علاقه بالموارد البشريه بس قلت خليني استاذنها

بنات انا لو ما لقيت حل معاها ولا عطتنا وجه ناويه اشتكي للمشاط لان الموضوع مره سخيف

تنزل المواد ولا يعطونك وجه مو معقوله صراحه

والله الاولاد ارحم مننا ويهتمون الاساتذه فيهم

انا من السبت بدق عليها وقت دوامها بالجوال وراح ادق لين ترد ولو ما حصلت رد راح اشتكي صراحه مو معقوله هالبهذله اللي احنا فيها

اتمنى ان الموضوع يسلك معانا ما في وقت صراحه بالنسبه للتدريب لو ما بدينا بدري بالموضوع
خصوصا ان ورانا دراسه لمواد ثانيه

على العموم انا معاكم واي جديد تسمعون عنه عن كاميليا يا ليت تفيدوني حبيباتي وربنا كريم باذن الله بتتسهل