مراجعة شابتر10 في الكيمياء

[جالكسي22]

السلام عليكم ورحمة الله وبركاته


بدخل في الموضوع على طووول <<<اليوم جايبه لكم اهم النقاط الاساسية اللي ركزت عليها الدكتورة في شابتر 10

>>الموضوع خاص لاختي العزيزة ((رونا)) وعام للجميع عشان الكل يستفيد """بس لاتنسوني من دعواتكم"""


اهم شي في دا الشابتر التلات جداول الموجودة في الصفحات التاليه: 401 و 406 و422

نجي لاول جدول اللي في صفحة 401 : هذا الجدول خاص فقط للجزيئات التي لاتحتوي ع ازواج غير رابطة..
لازم نعرف الاشكال والزوايا...يعني في الاختبار حيجيوا لنا مركبات ويجيبوا اشكال واحنا نشوف ايش الشكل المناسب للمركب المطلوب احنا ايش حنسوي؟؟...حنعد عدد الروابط ونشوف كم عدد الازواج الغير رابطة اذا كانت 2 حيكون الشكل ((لينير))الشكل الاول وهكذا ع حسب عدد الروابط
* كيف نحسب عدد الروابط؟؟
من المركب المعطى نجيب رقم المجموعة من الجدول الدوري للذرة المركزية + عدد الروابط المرتبطة بيها من الذرة التانية

مثال: Becl2 هنا الذرة المركزيه Be رقم المجموعة اللي هي فيها=2 + 2 (حقت الكلور من صيغة المركب)=4 =>زوجين (من الصيغة الـBeمرتبطة بالكلور برابطتين يعني الاتنين رابطة ومافي ازواج غير رابطة عشان كدا قلنا الشكل لينير والزاوية 180 تبعا للجدول)

او ممكن يسألو عن الزاوية لمركب معين؟فخلاص احنا حنكون حافظينها من الجدول


الجدول التاني صفحة 406 : خاص للجزيئات التي تحتوي ع ازواج رابطة وغير رابطة
نفس الاسئلة السابقة ونفس طريقة الحل ولكن في الاخير لما تطلع لنا عدد الازواج حتنقسم لرابطة(حنشوف الذرة التانية مرتبطة بالذرة المركزيه بكم رابطة نفس اللي سبق شرحه) ولغير رابطة (الغير رابطة كيف نجيبها؟؟ نشوف عدد الازواج الكلية اللي طلعت - عدد الازواج الرابطة) وع حسب الجدول نشوف ايش الشكل اللي حيطلع والزاوية كم يعني برضوو لازم نكون عارفين الاشكال والزوايا


بعد كدا ممكن يجيبوا سؤال: ايش التهجين المناسب للمركب التالي(ايا كان)
الحل؟؟؟

بنفس طريقة ايجاد عدد الرابط
نجيب مجموعة الذرة المركزية+عدد الروابط للذرة التانيه =حيطلع لنا عدد الازواج ونشوف
*اذا كان عدد الازواج 2 => التهجين له sp ؟ليش دا تهجينوو؟لازم يكون عدد الالكترونات فوق s و P
=2 زي عدد الازواج اللي طلعت لنا
*اذا كان عدد الازواج3 =>sp2
*- - - عدد الازواج4=> sp3
*- - - - - - - 5 => sp3d هنا رحنا لـd لأنوو خلاص الـp امتلأ لانوو زي مانعرف انوو s بس يشيل 1 و p 3 و d 6
نكمل
* اذا كان عدد الازواج 6 => sp3d2

وننتبه اذا كان المركب المعطى ايوني زي مثلا pcl4 وفوقه +((يعني فقد الكتورن)
التهجين له يحسب بهذه الطريقه: 5 (مجموعة الذرة

المركزيه)+4(عدد الروابط للذرة التانية) - 1 (الالكترون

اللي فقده لوو كانت الاشارة - مو +فهذا يعني انوو اكتسب

الكترون يعني نزود 1 ) =8=>4 ازواج =>التهجين له sp3


الجدول الاخير اللي صفحة 422 :تقريبا نفس الجدول الاول مافيه شي جديد



اتمنى اكون افدتكم >>مع اني مااعرف اشرح >>>بس كلووو عشان خاطر رونا

ياللا بروح اكمل الانجلش>> بليييز دعواتكم لي بالتوفيق لوو استفدتو واذا مااستفدتوو معليش ع القصور ولاتدعوو علي..ok


بليز اذا لاحظتوو اي غلط في اي معلومة طرحتها ارجوا التنبيه عليها ...عشان الكل يستفيد

لكم حبي وتحيتي
والله الموفق

[ROoOFaNA]

شكرا جالكسي لك وللاخت روونا
وبالتوفيق للجميع

[M!Ss AmoOoLa]

مشكوووووورهـ جالكسي

انا ترى الي قابلتك في مكتب زينب المديفر لو كنتي فاكره :)

[(ro0ona)]

تسلمين ياعمري ماني عارفة كيف اشكرك بس اقل شي اسويه ادعيلك وآآسفة عطلتك عن المذاكرة واخذت من وقتك جزاك الله الف الف خير
ويوفقك دنيا واخرة ويفتحها بوجهك وان شاالله تنبسطي بنتايجك ياآآآآآآآآآآآآآرب..

[(ro0ona)]

يلا ماراح اطول ابطل لاني ماذاكرت العنجليزي بعد

[M!Ss AmoOoLa]

رونا ترى انا بروح عند الدكتورة ثناء الساعه 11 يوم السبت

ابغاها تراجعلي شابتر 10 لاني ماحضرت المراجعه مع شعبتي

غرفتها رقم 7

[عذب الكلم]

وااااااااو مرة مشكورة لأني من جد ماكنت عارفه راسي من رجلي في دا الباب
الله يوفقك

[جالكسي22]

ولوو يارونا
ماسوينا شي كلنا اخوات

مشكورة ع دعواتك الحلوة
وباللا قومي ذاكري العنجليزي

بالتوفيق

[جالكسي22]

المشاركة الأصلية كتبت بواسطة غروور مشكوووووورهـ جالكسي انا ترى الي قابلتك في مكتب زينب المديفر لو كنتي فاكره :)

اهليييييين

واخيرا اعترفتي باسمك....

بس نفسي اعرف ليش داك اليوم سويتي((عباطه))ومارضيتي تقولي اسمك

ع العموم::
اشكرك على مرورك في موضوعي

بالتوفيق

[جالكسي22]

المشاركة الأصلية كتبت بواسطة غروور رونا ترى انا بروح عند الدكتورة ثناء الساعه 11 يوم السبت ابغاها تراجعلي شابتر 10 لاني ماحضرت المراجعه مع شعبتي غرفتها رقم 7

مراجعتي ماتكفي<<<<<خخخخخ