اتشرف بـ آرائكم لجدولي الاخير بالجامعة ...

[aziz8008]

المشاركة الأصلية كتبت بواسطة raul 7 مرااااحب عزيز صحيح كلامك انا الى الان ما اضفت التطوير التنظيمي واعادة التنظيم ما اقدرت اضيفها عن طريق الاودس ... ارسلت معاملة الكترونية .. وان شاء الله يضيفونها ... قريبا .. بس وش سالفة التعارض الي تقول عنه يا عزيز ؟؟؟

افتح قائمه الشعب الدراسيه وراح تحصل الوقت المسجل للمادتين متشابهه يعني راح يكون فيها تعارض بالوقت


حاجه غريبه هالجامعه انا طالب انتساب مالي دخل نهائيا بوقت ولست مطالب بوقت للمحاضرات



قبل كم ترم صارت معي كنت ابغى اضيف ماده حره وقالو فيها تعارض مع ماده مسجله عندك اختر غيرها



لو اضافوها لك لو سمحت علمني عشان راح ارسل معامله الكترونيه لاضافه الماده

[d7om_1]

تخطيط وتنمية الموارد البشرية , خفيفه وروعه
التطوير التنظيمي وإعادة التنظيم معك أن شاء الله هالترم
بالتوفيق

[RAUL 7]

اوكي عزيز

[*ورده*]

مساء الخير


بالنسبه ليا عجبتني ماده القياده والابتكار كانت مره ممتعه واخذتها مع الدكتور الشعيبي


بس اسئلته نوعا ما صعبه اخذت فيها 86 وكثير يذمونها انصحك اقرا ملخصها

التطوير التنظيمي
اممم مابعرف اقول صعبه او سهله بس فيها تعداد كثير اخذت فيها 88 مع الدكتور القحطاني

تخطيط موارد بشريه
حلوووه الماده خفيفه اخذتها مع الدكتور القحطاني جت الاسئله حلوه وسهله اخذت فيها 84 توقعت اكثررر

طبعا انا اخذتها كمواد اجباريه

وبالتوفيق يارب

[RAUL 7]

المشاركة الأصلية كتبت بواسطة william 1. تخطيط وتنمية الموارد البشرية .. الدكتور نبيل محمد مرسي خليل تأكد من المحذوف المنهج سهل وواضح مافي تعقيدات شبيه لدراسات ادارية معاصرة ولكن من وجهة نظر الموارد البشرية 2. التطوير التنظيمي واعادة التظيم .. الدكتور على حسين محمدمخفور القحطاني مقرر ليس صعب ولكن فيه شرح تفصيلي حاول تركز على النقاط الرئيسية يعني العناصر وتعرف تفرق بينها وأسئلة الدكتور علي واضحه 3. القيادة وادارة الابتكار .. الدكتور خالد الشعيبي . عبارة عن سبعة نماذج قيادية وكل نموذج له نقاط قوة وضعف ومقياس اعرف تفرق بينها وافضل طريقة لمعرفة الفروقات عن طريق عمل خريطة ذهنية للسبع نماذج وكل نموذج فيه النقاط الرئيسية بالنسبة للدكتور يعطي سؤالين مقالي غالباً تعريفين عن النماذج اسئلة الامتحان ماتنزل عن 80 فقرة مابين صح وخطأ وخيارات عموم الاختبار متوسط الصعوبه بالتوفيق وأتمنى تفيدني في مقرر نظم معلومات bus351 بالنسبة لملخص الدكتور هل هو كافي ولا لازم المرور على الكتاب

بيّض الله وجهك يا ويليام .... بصراحة كفيت ووفيت

[أبو فاتن]

راجع إيميلك يا بطل


وبالتوفيق

[mobarkmm]

القيادة والابتكار bus 437 خالد الشعيبي
حلوة وسهلة - جبت فيها A+ - بس يبي لها مذاكرة بتركيز شوي
* ركز على تأشير وتخطيط د.كاسر للطالبات (موجود في المنتدى) مافي تأشيرة إلا وعليها سؤال في الاختبار.
* وركز على نماذج اختبارات د. كاسر (موجود في المنتدى) - اكثر من 90% جت في الاختبار.
* وركز على ملخص اللي في نهاية كل فصل في الكتاب

وعلى فكرة الحالات الدراسية والتطبيق والمقياس والقيادة محذوفة من كل فصل
والمطلوب فقط وصف النظرية وكيف يعمل المدخل او النظرية ونقاط القوة والضعف من كل فصل

الفصول المطلوبة 1 2 3 4 5 6 7 8 11 12
و 9 10 محذوفييين

بعد الحذف يمكن عد الصفحات المطلوبة من 50-60 صفحة

حاول انك تستخدم جدول من إنشائك للمقارنة بين النظريات عشان تسهل المادة



انصحك بالكتاب اذا مافي مذكرة معتمدة من الدكتور

[عآآآدل]

آنآ آخذت آلتطوير آلتنظيمي كآختيآريه مع آلقحطآني هآلسمستر ,, آلدكتور آلقحطآني آنآ آتفآئل فيه يكفي حظوره عندنآ بآلقآعآت آسئلته دآئمآ خيآرين فقط آ آو ب ودآئمآ يكرر آسئلتة آلسنوآت آلسآبقه .. زيآآده على ذلك درست معآآه مآدتين من قبل وكلهآ a وأن شآء آلله الـ a آلثآلث في هآلمآده ونسجل آلهآتريك

خآآلد آلشعيبي مدري وش آقولك نفسيآ مآتقبله مدري ليش .. وبعدين عندك خيآرآت غيره شف يمكن تحصل آفضل ..

مآآدة آلنوع آلآجتمآآعي ,, يقول آحد آلآصدقآء في آلآختبآآر كل شئ في صف آلمرآآءه آو يعتبر من حقوقهآ لآزم تؤيده يعني صر (ليبرآلي) مؤقتآ حتى لو آنك مآتؤيد آلفكره وبتجيب نتيجه طيبه

مآآدة عمليآآت آلخدمه نحتريك تعطينآ آنطبآعك عنهآ لآنهآ عندي آلسمستر آلجآي

[bandarman]

صحيح النوع الاجتماعي اي شي مع المرآه حتى لو انك مو مقتنع بالاجابه ، اختبرت فيها اول ثلاثين سؤال مكرره في الثلاثين التانيه لكن يضيف كلمه تعكس معنى الجمله بالنفي او التأكيد كان ممكن احل اول مجموعه غلط والمجموعه التانيه عكسها واجيب العيد بس الحمدلله جبت 93!!

[bandarman]

بالنسبه للدكتور علي فهو يبسط المنهج لأقصى حد بس فيه مشكله معايا اني اعتمد على الكتاب وما اشوف الاختبارات القديمه او الملخصات والدكتور يحذف فصول في الدورة وتجي منها اسئله في الاختبار كثيره ، اخذت معاه مادتين في الموارد البشريه وكلها في فوق 75 مع انها مره سهله..