خاص للطلالب.. مدرس تحت الطلب

[smart1111]

اقول الله يعين عليهم والله بعض المدرسين نصابين يبغون الفلوس اهم شيء ادفع واذا دفعت يماطل فيك تعال لا الساعه كذا بدل الساعه كذا ويبغي يخلص الساعه بأي شكل انا قابلت مدرسين البعض لا يحسن النطق ويقول لك الماده تحتاج حصص واجد ثم يقول ادفع مثلا 500 ريال واذا دفعت اعطاك حصتين او ثلاث وقال انتهينا لان نتعامل معاهم ايام الامتحانات والله البعض تشوف الضحك على الدقون
تلاقي واحد يدرس ثلاث مواد سهله ب2000 ريال وانت تدرس عند نفس المدرس مواد اكثر بأقل من هذا ومواد اكثر
انتبهو ما ودي احدد احد
انا عني درست عند كثير تخيل واحد يقول بدرسك في مقهى والله العضيم لان ماني فاضي اشيله من الجامعه وروح الصفا لساعه وكل يوم اضيع وقت مع الزحمه المقهى جو شرح؟؟!! شكله بيعسل ع حسابي

[غروب ج]

كلامك ياخ smart 1111 واقعي واخص بالذكر اغلب المدرسين اللي يضعون اعلاناتهم على كل شى ...

[dksn]

ياغالي من وصفه عرفته بس لا تستعجل في المدرسين على مهلك بتلقى اللي يناسبك افضل منه

[القهوة العربية]

الاخ بتال اما انه بيدرسك من الخميس الى وقت الامتحانات هذة كثر منها
بس حدك تدفع ثم حتشوف وتعرف ان كل منههج ما يتجاوز من 3 الى 4 حصص فقط
ولا تشغل نفسك بطول المدة ويروح وتضيع الوفت عليك

[بتال المطيري]

مساء الخير للجميع ..
مايخص الممدرس. اسمه احمد ( سوداني الجنسيه) وساكن بمدينه جده بحي الجامعه خلف المكتبات ...
وحسب كلامه له اكثر من عشر سنوات يدرس طلاب الجامعه بمختلف التخصصات..
اما طريقه شرحه من عدمها ماعندي اي خلفيه بس ان شاء الله ابحضر عنده قريب وراح اقول لكم كويس او العكس. وهو طبعا يعطي دروسه في بيته..
السعر تقريبا 800 ريال للماده الواحده..يعني 2400 لجميع المواد....
سعر الماده ليس بالشهر!!.... بل للمنهج كامل ولمده اربع اشهر تقريبا ..
مسأله انه بيخلص المنهج في اسرع وقت فهذي ترجع لك انت .. لا تخليه يشرح اكثر من شابتر في الاسبوع.. وسوا لنفسك جدول واجبره يمشي عليه او غيره كثير منت مجبور عليه هذا مستقبلك. وانت دافع فلوس . ونصيحه لله لاتضغطون على انفسكم في الشرح .
والشكر للجميع.

[أبو سلطان.]

.. نصيحتي لك يا اخ بتال المطيري

هذا الاستاذ أحمد البشير مدرس سوداني خلف المكتبات بمدينه جده أبعد عنه تراءه ماعندك أحد وأسال مجرب


اذا لقيت الفائده لك مني المبلغ كامل وهذا يقولك انا درست ناس ونجحوا هذا اسلوب قديم خلاص تعبنا منه

تكفى أبعد عنه تراءه مايفيدك حتى البيت اللي يدرسك فيه يجيب المرض ومواقف للسيارات مافيه لان الشارع ضيق رايح جاي وما يجيه الا اللي دوبهم وصلوا الى المستوى الثالث والرابع عشان يضحك عليهم وانت

ادرى والبيب بالاشاره يفهم


هذه نصيحيتي لك

[ابو ريان 126]

المشاركة الأصلية كتبت بواسطة أبو سلطان. .. نصيحتي لك يا اخ بتال المطيري هذا الاستاذ أحمد البشير مدرس سوداني خلف المكتبات بمدينه جده أبعد عنه تراءه ماعندك أحد وأسال مجرب اذا لقيت الفائده لك مني المبلغ كامل وهذا يقولك انا درست ناس ونجحوا هذا اسلوب قديم خلاص تعبنا منه تكفى أبعد عنه تراءه مايفيدك حتى البيت اللي يدرسك فيه يجيب المرض ومواقف للسيارات مافيه لان الشارع ضيق رايح جاي وما يجيه الا اللي دوبهم وصلوا الى المستوى الثالث والرابع عشان يضحك عليهم وانت ادرى والبيب بالاشاره يفهم هذه نصيحيتي لك

هذي من اكبر فوائد المنتدى الغالي
خذوا بنصيحة ابو سلطان لأنه ما نصح الا وهو يحب لكم الخير
والله يا اخوان ما ودي اعمم ولكن ممكن نسبة 90% من المدرسين الخصوصيين اللي حول الجامعه ( نصابين ) ولا يدورون الا الفلوس وفهم الطالب او درجاته والله ما فكروا فيها
اعرف واحد من الزملاء ما رسب في اي ماده الابعد ما درس الدراما عند نصاب خصوصي يقول انه فاهم كل شيء وبعدها تاب وصار يذاكر من بدري والحين المستوى الثامن ولا رسب في اي ماده ثانيه
الوقت بدري ولو الكل بدا مذاكره من الحين بيضمن درجات عاليه وهو مرتاح
اتمنى لكم التوفيق والنجاح بأعلى الدرجات

[sa0ud]

المشاركة الأصلية كتبت بواسطة ابو ريان 126 هذي من اكبر فوائد المنتدى الغالي خذوا بنصيحة ابو سلطان لأنه ما نصح الا وهو يحب لكم الخير والله يا اخوان ما ودي اعمم ولكن ممكن نسبة 90% من المدرسين الخصوصيين اللي حول الجامعه ( نصابين ) ولا يدورون الا الفلوس وفهم الطالب او درجاته والله ما فكروا فيها اعرف واحد من الزملاء ما رسب في اي ماده الابعد ما درس الدراما عند نصاب خصوصي يقول انه فاهم كل شيء وبعدها تاب وصار يذاكر من بدري والحين المستوى الثامن ولا رسب في اي ماده ثانيه الوقت بدري ولو الكل بدا مذاكره من الحين بيضمن درجات عاليه وهو مرتاح اتمنى لكم التوفيق والنجاح بأعلى الدرجات

السلام عليكم
هل يستطيع الطالب التخرج بمعدل ممتاز دون الحاجه الى مدرس خصوصي ؟

[smart1111]

المشاركة الأصلية كتبت بواسطة sa0ud السلام عليكم هل يستطيع الطالب التخرج بمعدل ممتاز دون الحاجه الى مدرس خصوصي ؟

العتماد على الله سبحانه وتعالى اولا واخيرا

احيان بينما المدرس يدرسك ويشرح تاخذ نقطه مهمة وهو لم يلقي لها بال وتكون سبب في نجاحك او درجات عاليه المدرس احيان يكون عارف طريقة الدكتور وحيان الماده لا تلاقي احد ينقل ما دار في الدوره او من نقل لم يشمل المنهج كامل هذا مو معناته ان لابد ان تدرس انت تقدر تحددقبل مستوى فهمك
ربي يوفق الجميع

[المسيّر]

من ناحية احمد البشير انا خذيته في المستوى الثالث واتفقت معه 1200 ريال تقريبا اذا مانسيت على الليسيننق و الرايتنق و الريدينق طبعا بدينا وقت ابتداء الدورة التأهيليه فكنت اروح الدورة و اخذ حصص معه والمدة اسبوع واحد لان ماكان عندي اجازة الا اسبوع واحد فقط لاني جاي من الدمام المهم كلمته جوال قبل مااجي وقلت يمديك تغطي لي المناهج كلها في اسبوع قال يمدي ان شاء الله طبعا انا ادري انه مايمدي بس لاني مذاكر الرايتنق وقتها و الليسينيق بس باقي الريدينق فقلت يمكن لاني مذاكر يمدينا نغطي
المهم : راح الاسبوع كله في الريدينق وكان يجيني في شقة استأجرتها في حي الجامعه و المواعيد بالجوال لانه كان مزحوم الاخ و بشق الانفس كان يجي يواعدني الظهر بعدين يجي العشاء ومرات مايجي الا اليوم الثاني
المهم : انه في الترجمه لا يعلي عليه صراااااااحة لانه على مااعتقد تخصصه ترجمه واظاهر كان يشتغل في شركة مترجم لكن انه ثقيل في الكلام ولازم ينسدح علشان يروق .. يعني تخيلوا كل شوي وهو ينسدح وانا داخل جو مع الشرح ..
و تعرفون ان الريدينق قطع كبيره و متعبه وكان يترجم لي كلمه كلمه المهم انه ماخلص الاسبوع الا مادة الريدينق بس وعطيته 400 ريال بس (طبعا مرة فتحت انا وياه الرايتنق وتعرفون الرايتنق كله استراتيجيات و تعريفات و قوااعد تحفظ لكتابه مقال و قرمر يعني خليطي شوي فكان متلخبط لانه كان متعود على كتب اسهل وهي اللي لحقوا عليها دفعة 109 اما حنا يا دفعة 110 كان من حظنا الشين ان المناهج تغيرت في وقت دفعتنا فحسيت انه مو مضبوط في الرايتنق ولا راح ينفع فلا خليته يكمل ولا عشرين دقيقه .
لكن مادام الان راح سنة اكيد انه خذا وقت لكي يفهم الكتب بما انها جديده وعلى حسب علمي انه من افضل الموجود ومادامك بادي من الحين يمديك تغطي بس الموضوع في يديك يعني انتبه للنقاط التاليه :
1- انتبه تعطيه الفلوس دفعه وحدة يعني كل مامشيتوا عطه دفعه بسيطه وهكذا ..
2- انتبه تعتمد عليه اعتمادا ً كليا ً يعني خلك متابع هنا في المنتدى واعرف استراتيجية الأسئلة واطلعه عليها فكل مادة لها استراتيجية في المذاكرة فالرايتنق1 على سبيل المثال كنت اضيع فيه انا وقت كبير والان بعد ماعديته عرفت ان افضل طريقة لمذاكرة الريتنق طريقتين الاولى : اعرف كيف اكتب مقال واعود نفسي اكتب مقالات مع التقيد بالشروط المذكورة في الكتاب واعود نفسي اني اكتب في اكثر من موضوع وخاصه المواضيع التي وضعت في الاختبارات السايقه والطريقة الثانية ألخص جميع التعاريف و الاستراتجيات و القرمر في دفتر اتوقع ماراح تتعدى 20 صفحه وصدقني راح تتدعي لي.
3- لا تفتح مجال في السوالف ترى يحب السوالف وخلك جدي معه ماهو انا مغير اطقها حنك معه ..
هذا رأيي فيه بصراحة وبأمانه لانه درسني فهو عموما كما قلت جيد ومفيد اذا انت مشيت معه بالطرق التي ذكرتها
هذا والله اعلم
وبالتوفيق





احس اني صدعت من كثر ماكتبت