والله ما اسامحك ليوم القيامه يا.......

[RHF]

السلام عليكم ورحمة الله وبركاته انا بصراحه في شي مضايقني مرررره ونفسي اقولكم عنو من اول بس كنت متردده احط الموضوع ولالا!!!.... بس قررت احطو

ههههه و انا لازم ارد عليكي ،،
وطبعن حتكلم عادي بعيد عن المثالية ،، بس مو معنا كدا اني شريرة خخخ

نا انسانه احب للناس زي ما احب لنفسي ففي كم حاجه لازم اقولها لكم احنا دايماً نسمع عبارة ((اللي ما يسامح الناس ربي ما يسامحو)) <من يوم ما كنا صغار حافظينها زي اسمنا واذكر مره حضرت محاضره كانت تتكلم عن ذا الموضوع ((الانسان اللي ما يسامح الناس ربي ما يسامحو - اذا انتا ما غفرت اخطاء الناس ربي ما راح يغفر ذنوبك <مين فينا ما عندو ذنوب ؟؟؟؟؟ )) ما اتوقع انسان ما عمرو غلط طيب اوكي انا لما اغلط على شخص مو معناها اكرهو < بالعكس يمكن من غير قصد غلطت عليه <ليش ما يسامحني؟؟؟؟ ترا الدنيا ذي رايحه ليش نقاطع بعض على شي ما يسوى <بجد الدنيا ما تستاهل زعلنا ولا تستاهل كرهنا ولا شي

لا في اشياء دنيوية تستاهل ،، وممكن اغلط على احد لاني اكرهو ,,
والمسامحة دي نعمة من ربنا ، ومو كل احد يقدر يسامح ،
وحتى لو حاولنا ، في ناس ما تستاهل المسامحة و حسابها عند ربنا

انا بصراحه مره سارلي موقف مع واحد في منتدى من المنتديات حقت الجامعه ((كنا نتكلم عادي في موضوع وفجأه قال بمزح اطلعي برا الموضوع قلتلو كأن المنتدى منتدى ابوه)) وبعد ما قلت ذي العباره ارسلي عالخاص لو سمحتي ابويا ميت والمفروض ما تقولي ذا الكلام لأي شخص رديتلو طيب خلاص انا اسفه حقك عليا وانا ما كنت ادري انو ابوك ميت ((الله يرحمو ويدخلو الجنه)) وبعدين قلي انا عارف انو مو قصدك ومسامحك انا وبعدها بشويه قلي ((انا والله مو مسامحك ليوم القيامه)) قلتلو عادي عساك ما سامحتني ^ ^ ^ طبعاً الكلام كان مرررررره طويل وقال كلام مره جامد عشان كذا قلتلو عادي عساك ما سامحتني

الله يرحم ابوه ،، ممم شوفي انا لو مسلن احد قلي زي كدا ،
خلاص حقولو اني ما كنت عارفة واعتزر واترحم على ابوه زي ما انتي عملتي وخلاص عملت اللي عليا
,, لكن يجي فجأة يغير رأيو انا مني لعبة عندو ؟
سامحتني ، جات منك ، ما سامحتني ربي حيسامحني لانو عارف نيتي ,,
صح ولا مو صح ؟

وبقولكم عن حاجه حصلتلي بس ما اقول غير(( الله لا يوفقو لا في دنيا ولا في اخره )) بصراحه اللي عملو شي ما ينسكت عنو بس انا مسامحتو ليوم الدين وبيني وبينو الله (ياخذ حقي منو) انا بصراحه اتعرفت على وحده من منتدى واستمرت صداقتنا لمدة 5 سنين وبعد ذي السنين طلبت رقمي واديتها وكنا على اساس نتقابل وسرت اكلمها دايماً بالجوال وطلبت مني اوريها صورتي ووريتها <اكبر غلطه المهم بعد ذي المعرفه الطويله ابويا ناداني وانا دوبي راجعه من المدرسه اول ما دخلت البيت قلي تعالي ورحت (انا مو عارفه الموضوع) قلي انتي متعرفه على وحده من منتدى؟؟ قلتلو ايوا قلي تكلميها جوال؟؟؟ قلتلو ايوا قلي انتي عارفه امس جاني واحد يقولي انتبه لبنتك (تراها تكلم شباب) يقول انا اكلمها بالجوال وشوف المكالمات وشوف الرسايل وهاذي صورها انا مررررره انصدمت بصراحه ابويا قلي انا عارف انك ما تكلمي شباب (وكمل يقولي انو قلو يكلمني على اساس انو بنت وحاط برنامج يغير الصوت <الله لا يوفقو) فمن بعدها تبت اني اتعرف على بنات من النت وحتى اذا اتعرفت ما توصل للجوال ابداً

ممم عوافي
انا اشوف انك مو غلطانة في شي ، يعني خلينا واقعيين ، انتي اتعرفتي على بنت ، كلمتيها ماسنجر و جوال ، وكان ممكن تشوفيها ، لانها بنت ,, !!

لاكن انتي انخدعتي وانضحك عليكي مو عشانك غبية ، لا طبعن ، لاكن هو شخص خبيس ولعب عليكي
،، والحمدلله انها جات على كدا وما كان الموضوع اكبر

والأهم انو بابتك مصدقك ,

يعني نفسي اسألكم سؤال؟؟؟ مين فيكم ما يبغا ربي يغفر ذنوبو؟؟؟ اكيد الكل يبغا ربي يغفر ذنوبو طيب اول شي انتا سامح الناس واغفر ذنوبهم عشان ربي يسامحك ويغفر ذنوبك

ممممممم يا دودي الله يسامحنا ويغفرلنا كلنا ان شاء الله ، في اغلاط و مشاكل الواحد يقدر ينساها ويسامحها، لاكن في اشياء لا ، والللللله مستحيل انساها ، ربنا هو اللي يسامحو ، لاكن انا امام الله حسألو عن الظلم دا ,,

قالولي ، رهف ربنا اللي هو ربنا يسامح ، انتي ما تقدري تسامحي ؟

مممممم الجواب ، انا في الدنيا حاخد بالاسباب فقط وحاسامحو بحيث اني ما اردها لو ,

الظلم و حرقة القلب ، الذل والاهانة و التحطيم ،، ربنا اللي يسامحو عليها ، انا حاخد حقي يوم نتحاسب ,, بازن الله

يعني انا ما سامحتو انو خلاص ، سامحتو دنيا و اخرة ،،
لا ,, انا سامحتو في الدنيا ، لاكن في الاخرة لا ,

(( اللي يسامح الناس ربي يسامحو واللي ما يسامح الناس ربي ما بيسامحو))

الله يسامحنا جميعا ,,

اتقبلي مروري ، راااهاااف