زوجتي موظفة ... ولكن لا آخذ منها ابدأ؟

[زمردة 2009]

للأسف الأسيف إنقلبت عندنا الموازين وصار الرجل إذا يبي يخطب يدور على موظفه حكوميه علشان تصرف عليه مستقبلاً طبعاً مهوب الكل

وهذا الشيئ أساساً خطأ من نفس المراه لإنه ملزوم يصرف عليها لو عندها أموال قارون أجل ليش وللذكر مثل حظ الأنثيين ..!!

يعني مفروض المراه بنفسها تعيي وتنكر هذا الشي لإنه بيتعود يقولها دين بالبدايه ويسحب منها كل شوين إلى أن يجي يطالبها وكأنها خلفته ونسته .!

وأعرف حالات كثيره جداً من نفس القبيل ومنها وحده توها طازجه أخذ قرض على ظهرها وطلع سياره وعليها مخالفات من ساهر يااااكثرها وغير هذا هي تصرف على البيت وبناتها وهو ماعليه إلا يصارخ ويقلل من قدرها ومكانتها وبالأخير خانها مع الخادمه وهذا هو بالسجن من قرابة شهرين ..! مصير العائله هذا كله نهدم بسبب الماده وصخ دنيا ..!

يعني مفروض من أول الزواج يكون كلن عارف حقوقه وواجباته ويقوم فيها على أكمل وجه .!


وهالحين وبزمننا هذا الوظيفه أهم وأثمن وأضمن من الرجل وهي الأمااااااان مو مثل مايقول البعض إنه الزواج أمان

ممكن يكون أمان عند الناس ألي تخاف الله بس لكن هالحين لا حول ولاقوة إلا بالله هذا واقعنا المرير .!

كل الشكر والتقدير ..