تعلي واحكي عن اول يوم في الجامعه

[بيو كيميائية ^_^]

يؤؤهـ أيامـ قديمة لكن ماأنساهـا

طبعًا أنا من يوم الجمعة كنت أبكي عشاني أول مرة أسافر بدون أهلي وعملت مناحة طول الليل لين مانمت

وصحيت الصبح وطبعًا لابد من الكشخة ورحت الجامعة وماني عارفة أي بوابة أنزل كانت معنا وحدة جزاهـا الله خير

ورويتها جدولي وقالت لي نزلي غربية ونزلت معاهـا

دخلت الجامعة ماعرفت وين أروح وشفت حرمة من المسوؤلات مادري وش وظيفتها أنا بكل براءة سألتها وين نروح الحين

ماشفتها إلا تصرخ علي أنا إنفجعت ودموعي طاحت :(

وطلعت أمشي وأول مبنى شفته 7 كليتي مادخلتها قلت بروح أدور على مبنى 32 و 13

وأروح أدور الجامعة كلهـــــــــــــــا وماألقاهمـ

بعدين رجعت 7 وأفرهـ عشان أشوف كلاساتي

وياللا لقيتهمـ بعدين طلعت ورحت آخذ فرة على الجامعة وكل ماأسأل مايعرفون

تكسرت رجلي وطاحت دموعي

وبعدين سألت وحدة عن 13 وقالت لي وأنا اللي طلعت أدور عليه وماأشوفه ولاجاء على بالي عشانه شينكو

والأدهى مبنى 32 اللي طلع مقابل 7

وأنا كمـ مرة رحت 7 بس ماتوقعت الشينكو مبنى

ورجعت البيت وماكونت صداقات مع أحد

يوم ثاني رحت وجلست في الكلاسات وكانت معي بنت من الشرقية أنا شفت شكلها قلت كأنها شرقاوية وبعدين كلمتني وصرنا صاحبات ولا طلعت أمها تقرب لي

ويوم ثالث شفنا وحدة شرقاوية ثالثة وكلمناها وصرنا صاحبات

وبعدين بديت أتكلم مع الجداويات وأصادقهمـ وأتعود على الوضع

يوم لاينسى