خاص لكل طالبات المستوى الخامس دفعة 2010

[بقايا أمل]

المشاركة الأصلية كتبت بواسطة بنت ناس وقلبي ألماس والله يا قلبي شوفي أنا أقولك إذا تبغين تنزلين إحصاء لازم تحذفين وحده من هذي المواد( نظم - تسويق - تقارير) عشان لا يصير عليك ضغط في المواد لأن النظم مره دش ويبغالوا حفظ وكمان التسويق يبغالها حفظ والإحصاء لو بتأخذيه لازم تذاكريه أول بأول وما تغيبي في المحاضرات عشان دروسه مرتبطه ببعض ( الفصل الواحد) ... إذا لقيتي وحده تدرس إحصاء كويسه نزلي الماده عندها ولا تترددين لأن الماده أغلبها درسناها في التحضيري أما إذا ما لقيتي لا تنزلين الماده... أما بخصوص الماده الحره أنا أنصحك إنك لو تبغين تنزلينها لازم تحذفين ماده عشان ما يصير عليك ضغط... يعني لو كنتي بتأخذين إحصاء نزلي معاه عربي 2 وتمويل وتسويق و (إعداد تقارير أو ماده حره ) والأفضل يكون ماده حره... وبكذا راح تظمنين ارتفاع معدلك وخصوصا انو عندك 3 مواد سهله اللي هيا عربي 2 والماده الحره والتمويل وحاولي تجيبين فيها a+ ... وعايدي ما في مشكله خلي النظم والتقارير لبعدين لأنك الحين محتاجه ترفعين معدلك عشان تقدرين تدخلين التخصص اللي تبغيه... وبالتوفيق لك يا عسل...

شكرا لكل اللي ردوا علي
لهم كل التقدير والإحترام
لؤلؤ : كلامك على عيني بس حبيت اقول لك انو انا درست التحضيري اداري وكمان انتساب يعني درست الإحصاء بالعربي والترم اللي راح اضفت الماده وبعد اسبوعين حذفتها مرررره ماكنت فاهمه شي كنت مع لمياء باحارث واغلب البنات كانو علمي وهي تشرح على هالأساس فتعقدت من الماده وقررت اذا باضيفها اروح عند مدرسه خصوصيه عشان انجح بمعدل
خاصه انو مريت بضروف السمستر اللي راح ونزل معدلي لـ 4.34 وقلبي يغلي ومقهوره
دحين ابغى ارفع المعدل بنفس الوقت مابغى اراكم علي مواد
وانا ابغى تخصص نظم عشان كذا لازم اخذ فكره عن الماده افكر اخلي جدولي كالتالي (نظم - تمويل سحر -تسويق رنا -اعداد تقارير احتمال سحر -عربي 2 ) وااجل احصاء اعمال للصيفي او السمستر الجاي او (نظم -تمويل -اعداد تقارير -عربي 2 -ماده حره ) ومدري وافضل الأول عشان ماحب اراكم مواد
ايش رايكم مرررررررررررررره شايله هم والله