نزلت مستويآت تحديد الآنقلش بألأودس =)

[skittles]

ممكن اخد بينكم حتة مكان

انا من طالبات سنه الي فاتت 2011
حضرت اختبار المستوى وكنت متعمده اني مااحل وجلست اكحل عيوني بالورقة <لانو ابغى من المستوى الاول

وجاني زي ماابغى وبدأت من المستوى الاول< يعني عندي خبره بكل المستويات
صراحة طفشت وخصوصا الساعات طويله تفقع وندمت نوعا ما اني مااحليت في تحديد المستوى
لكن بديت احس اني استفدت من المستوى الثالث

نتكلم عن المستويات
المستوى الاول سهل جدا
المستوى التاني يشبة المستوى اول كثير خصوصا القرمر ويعتبر سهل حتى على الي مااخد مستوى اول
المستوى تالتشي تااااااااااااااااااااااااااني مختلف تقريبا اصعب مستوى بالنسبة ليا ولكثير من البنات ويختلف من شخص لشخص ممكن غيري يشوفو سهل مااخوفكم لكن يبغالو شدة حيل مزبوطه
ومن حسن حظي لما كنت المستوى 3 كان ايام الامطار والاجازات الي كانو يعطونا هيا فما قدرو
يعطونا المنهج كامل واختبرنا في 9 يونتس من 14 يونتس

المستوى الرابع خفيف واحلى مستوى كان متعة بالنسبة ليا وخصوصا انو بس 12 يونتس واعلى درجه جبتها فيه بين كل المستويات واسهل من المستوى تالت


والحمدالله عديت كل المستويات من غير رسوووب
لكن استفدت سار عندي مفردات اكتر اما القرمر كلو حق الثانوي


ملاحظة :انا اتكلمت عن نفسي عن تجربتي ممكن شخص تاني رأيو غير
والناس قدرات لاتحطو فبالكم انو صعب لا خلو دايما في نفسكم ثقه انكم حتقدرو وقدها وقدود



وبالتوفيييييييق حبايبي
وجيبوو معاكم مساند اجسامك حتتجبس من كتر الجلسة