مادة السيرة النبوية والخلفاء الراشدون hist221

[XxDanzxX]

اقولك على شغلة انا كنت كدا شايلة همها ،، بس انا اتخرجت السنة اللي راحت كنت انتظام بس صارت لي مشكلة قبل الاختبارات النهائية باسبوعين اكتشفوا انو ناقصتني 3 ساعات :s والله من الجامعة البلها ،، المهم قاموا حطولي المادة دي باعتبار انها اسهل المواد الحرة ،، وفعلا رحت لدكتورة المادة وعطتني اسم الكتاب وهدتني انو ان شالله سهلة وكدا وفعلا لما قعدت اذاكر كنت منشكحة يعني مبسوطة لانو المادة عن سيرة الرسول وهالشي ماشي معانا من ايام الابتدائي ،،
شوف اول شي اكتب التواريخ والاحداث في ورقة واحفظها ،، بعدين اقرا المعارك وخد الملخص حق المعركة يعني لازم تقرا الكتاب اول عشان تفهم ايش الهرجة بعدين لخص لى كيفك ،، تقول كمان الاختبار مافي مجال يكون مقالي لانو لو بيكون مقالي حتحاج مجلد " انا مادري عن قسم الطلاب " بس احنا كانت الاسئلة اختاري وصح وخطأ مع التصحيح وسؤال واحد فقط هو اللي كان مقالي وكان عن وحدة من المعارك طبعا باختصار لانو لما تنسأل سؤال عن معركة ماحتسرد زي في الكتاب لا حتكتبها على هيئة نقاط عشان تبين انك فاهم مو حافظ وبس ،،
المهم اني نجحت في المادة وجبت 85 وانا ماحضرت ولا محاااااااااااضرة ولا ملخصات ولايحزنون ،، ولو بتستفيدوا من ملخصات الطالبات كان جبت لكم ملخصاتي لو تبغوا :)
على فكرة الكتاب اصلا ممتع لو تقروا اول صفحة تضطر تكمل للاخر لانو حياة الرسول صلى الله عليه وسلم مرة شيقة ،،
والله يوفقكم جميع ،،

أخت دانز :)