هام.. مادة تخطيط ومراقبة انتاج .. Bus 321

[حجيلان]

مشكور اخوي raul 7ماقصرت الله يبيض وجهك يوم تبيض وجوه وتسود وجوه ويوفقك ويجعل النجاح حليفك


ياشباب اذا احد كلم دكتور المادة وبين له شئ بخصوص هالمادة الغثيثة يعطينا خبر تكفون ترا مالنا الا الله ثم انتم

[shora]

الله يا حجيلان رسلت له ايميل ولا رد

ما اقول الا الله ييسرها

[حجيلان]

الله يعينك اخوي shora
انا توني حذفتها واضفت بدالها تخطيط وتنمية موارد بشرية
ودي ارفع المعدل بهاترم ولا ودي اغامر الوضع مايطمن خاصة مع دكتور المادة الله يذكره بالخير
لكن ان حصل بعد الاختبار ان شاء الله تذكرون وش صار معكم اكون شاكر ومقدر عشان الترم الجاي باخذها غصب ويمكن تصير عنده بعد
اتمنى لكم كل التوفيق والنجاح

[shora]

الله يسامحك يا حجيلان شكلي بختبر في قاعة لحالي الله يعين بس

[حجيلان]

اخوي shora ضيقت صدري حسستني اني مالي خاتمة
هالمادة مادري ليه خايف منها لي ترمين وانا حذفها وهالترم يوم نزلت عند كاسر ولا فيه اي معلومات عنها زاد خوفي ولا انا كنت ناويها هالترم مع الادارة الاستراتيجية عشان الترم الجاي انزل بحث وتدريب
لكن الله يجعلها خيرة لي باذن الله ويعيني عليها الترم الجاي
واسئل الله ان يوفقك وتعدي فيها بدرجة الي ترضيك وتسرك وتقول بنفسك خل هالخبل حجيلان ينفعه الحذف

[shora]

لا يا رجال امزح معك ارفع معدلك وملحوقين خير ابشرك حصلت مدرس كويس وطلع العملي بسيط كله تقريباً

خمس دروس وبديت اتفائل بها الماده بس الله يستر من الدكتور ان شاء الله يسهل الاختبار

[فالح العجمي]

ان شاء الله انها بسيطه
الله يسهلها يارب

[RIK]

المرفق مايفتح ياشباب