أهم نصايحي و تجاربي في أختبار تحديد المستوى أول يوم

[ǁ غــلأآإ ، رٍوٍحــي ǁ]

^^

وهذآآ رررد لأحد الطلآآآآب ..

المشاركة الأصلية كتبت بواسطة Ma3QoLa! بااااااااااااك دوبي راجع من اختبار تحديد المستوى،، الله يستر حسيت فيه تخبيص بس قولو ياااارب ما انزل عن المستوى الثالث =( اول حاجه بطابور وزي كدا ادونا زي القسيمة << حسيت اننا داخلين سحب ع جائزة زي الورقة كدا كاتبين فيها الاسم + الرقم الجامعي ،، ومعاها بطاقة وردية فيها رقم المعمل + رقم الجهاز دخلنا المعمل وكل واحد جلس ع جهازو ،، وجو عندنا وزعو علينا استكر لاصق مكتوب فيه اليوزر نيم والباسوورد و org id << مادري اش هوا الاخير طبعاً المعلومات هذي عشان نقدر نختبر بيها وبعدين المفاجأة انو في المعمل ما اشتغل الا 3 اجهزة ع النت اش الهرجه مادري نقلونا معمل ثاني وطبعاً بنفس رقم الجهاز واول حاجه تعملها تفتح المتصفح ،، وبيفتح معاك ع طول الموقع حق المعهد وتدخل المعلومات اللي في الاستكر وبسم الله تبدأ الاختبار طبعاً هوا قسمين،، قسم تقرأ وتجاوب وقسم سماعي،، تسمع محادثه وتجاوب عليها طبعاً كل الاسئلة اختيارات ماعدا القطعة بالنسبة للقسم الاول حق اقرأ وجاوب طريقتو يجيبو لك محادثة مكتوبة بين اثنين،، مثلاً محادثه بين رجال وحرمه يكتبو زي كدا الرجل : ...... المرأة : ...... طبعاً يكتبلو الراجل اش قال والحرمه اش قالت ويقول لك الحرمة اش كانت تقصد بكلامها؟ او الرجل اش كان يقصد بكلامو هذا الجزء الاول من القسم الاول الجزء الثاني عبارة عن قطعة وفيها فراغات تعبي في في كل فراغ كلمة وحده بس ،، طبعاً كتابه مو اختيارات هذي تقريباً ما جاوبت ولا سؤال صح فيها للامانه هيا اصعب شيء واجهني في الاختبار،، تقرأ الجملة تحسها خلاص منتهيه او ما تحتاج كلمة بس شكلها سهلة وانا درج طبعاً بعدها يجيك السماعي يجيبو لك مقطع صوتي وتحتو السؤال،، تشغل المقطع الصوتي وتسمع وتجاوب ع السؤال وطبعاً اختيارات بعض المقاطع يجيك عليها سؤالين وبعضها سؤال اذا ما خانتني الذاكرة انو كان 30 سؤال القسم الاول اللي هوا اقرأ وجاوب والقسم الثاني 15 اتوقع وبس وبالتوفيق للجميع طبعاً الوقت محسوب انا انتبهت ع الوقت وباقي ساعة و 18 دقيقة،، مادري كم الوقت كان بالضبط

alba3m

مررآإ ششكرآإ على الموضوع ،،
وبعد إذنك ،، بزيآده هالتنبيه ،، رجآآءآ اي رد يحتوي على استفسآر سيتم حذفه ،،
عشان يصير الموضوع مرتب ويخص كل النصايح والاحداث اللي صارت فقط :)

[alba3m]

المشاركة الأصلية كتبت بواسطة ǁ غــلأآإ ، رٍوٍحــي ǁ ^^ alba3m مررآإ ششكرآإ على الموضوع ،، وبعد إذنك ،، بزيآده هالتنبيه ،، رجآآءآ اي رد يحتوي على استفسآر سيتم حذفه ،، عشان يصير الموضوع مرتب ويخص كل النصايح والاحداث اللي صارت فقط :)

أكيد ياغلا الموضوع موضوعك و المنتدى منتداك

وياليت الي عنده اي معلومة يحطها عشان غيره يستفيد