خبصنا وجبنا العيد يايلدرم

[R-Kh]

المشاركة الأصلية كتبت بواسطة يلدرم ياريت اي احد يشارك يذكر اذا عنده اخ او اخت سبقوه في الجامعة

ابغا احكيكم حكاية شخص
يقربلي
عندو اعاقة في رجلو لما يمشي يعرج
ومشيتو مره تقيلة وياخد وقت طويل عشان يتحرك من مكان لمكان
والمسافة اللي احنا بنقطعها في دقائق هوا بيقطعها في ساعات
المهم
خلص الثانوية
كان حلمو يكمل الجامعة
اغلب الناس قالت مستحيل لواحد في حالتك
اتحدى الكل ومامتو شجعتو
دخل الجامعة في كلية العلوم
اتخصص حاسب
واجه كتييير من الصعوبات وكتير من المواقف
لكن عندو عزيمة واصرار اقوى من كل شي
قدر يكمل حلمو وقدر يكمل اللي بدأه
حقق حلمه
واتخرج السنة الماضية بـ امتياز مع مرتبة الشرف التانية
برغم كل الصعوبات وبرغم كل شي
حدد هدف وتعب واجتهد الين ما حققو
...
كل مااشوف دا الشخص اقول الحمدلله
انا في نعمه
انا صحيح بواجه صعوبات زيو
بس انا ربي اكرمني بشئ ماهو عندو
اذا انا زيو اقدر اواجه كل شي
واقدر اتخرج و احقق حلمي ومااقول في شي صعب
...
صحيح ربي اخد منو شئ بس اعطاه عزيمة واصرار
مفقدوة عند الكتير
...
صحيح بـ نُصاب باحباطات
سواء في درجات او في غيرو
بس نبقدر نوقف من جديد
انسى اللي راح وابدأ من أول
النسيان نعمة من رب العالمين
..
فكر في دا الشخص كويس
وشوف ايش عندك ومو عندو
وقل الحمدلله
واستغل اللي ربي معطيك هوا
وحقق حلمك وهدفك
وكل ما تحبط افتكر حلمك
وافتكر فرحتك وفرحة مامتك وبابتك لما تحقق حلمك
حتلاقي انك نسيت وبدأت من جديد عشان تحقق اللي نفسك فيه
...
وبإذن الله حيجي اليوم اللي نتخرج فيه ونفكر كل اللي صار معانا
وتبقى ذكريات مرينا بيها في يوم من الايام
...
:)