أهل الخبرة ممكن الفزعه في اختيار 3 مواد اسهل وافضل المواد الاختيارية والحرة

[أول المشوار]

بما انكم تكلمتوا عن الحرة وبعض من الاختياريه

انا اخذت استشارات اداريه عند دكتورها الخالدي
كانت اوراق الاختبار اكثر من درزن.....15 صفحة
ستين سؤال صح وخطأ
واربعين سؤال اختياري متعدد

الصعبه كانت الستين والسهله كانت الاختياري
والمادة روعه ومذكرتها اقل من متين صفحة
ولكن دكتور المادة توقع اننا استشاريين من الدرجة الاولى وهرانا بالاسئلة

المادة الثانية
مادة ادارة اسس العلاقات العامة
ممتازه واسئلتها حلوة من دكتور شمسان ولكن الترم اللي فات تغير دكتورها وما يمدحونه

المادة الثالثة
المشروعات العامة....مادة غثيثه واتحداك اذا قريت المذكرة اللي من 45 صفحة تفهمها
حنا استسهلناها لما شفنا ان مذكرتها قليلة ولكن لما جا وقت الجد جلست انا واخوياي بأول 20 صفحة خمس
ساعات....لذلك قبل تاخذ اي مادة حاول تطلع عليها وتقراها واذا فهمتها راح تنجح فيها ان شاء الله
ولو لا الله ثم الدكتور شمسان ولا كان نص ال800 طالب اللي اختبروا المشروعات مغرزين وما عدوها

هذي الثلاث مواد اللي اخذتها شرحتها لك وصفا وتوصيفا
وارجع اكرر واقول شف دكتور المادة لان بعضهم مايرحم وبعضهم تدعي له بعد الاختبار


بقى الحرة

انا اخذت فيها الحروب الصليبيه وهي مادة يبغالها حفظ اسماء وتواريخ ولكن دكتور المادة الله يسامحه
ظلمنا في النماذج.....شباب طالب منهم التواريخ بالهجري وشباب طالب منهم التواريخ بالميلادي
وبعض من الاسئلة مدري وش تبي او ماتخطر على بال البشر.....والبقية الباقية معقولة لجل ما اصير صاحب نظارة سوداوية

والحين خذ الاقناع معي ان شاء الله الترم هذااااااااااااااااااااا
وفالنا جميعا التوفيق ان شاء الله

اعذرني مستعجل وانا اكتب الرد ابلحق الصلاة