هل تفضل الزواج من خارج البلد

[R.ASK]

الله يبارك فيك
الزواج هادي المؤوسسة الكبيرة والمهمة لتنشئة وتربية الاجيال يجب انو يكون طرفاها صالحين او قادرين لتحمل الزواج ومافيه من مسؤليات وواجبات فرضها علينا ديننا الاسلامي
يعني بالمختصر الزواج مو لعب والواحد قبل لا يتزوج لويورط بنت الناس أي جنسية كانت لازم يشوف هوا قد هدا الزواج ولا لا
وبعدين اكيد حديث الرسول صلى الله عليه وسلم اكبر موجه لنا في اختيار المرأة وخص ذات الدين بالفضل
واحب اقول للشباب ادااغلبهم قاعدين يقولوا على زوجاتهم اللي من نفس ديرتهم او منطقتهم او عموما سعودية
مو قادرين نتفاهم معاهم تفكيرهم صعب جايبلنا الهم ,والله الحرمة مو كائن فضائي عشان يكون فهمها صعب
الواحد يحسن من تعامله ولا يعتبرها درجة ثانية ويتكبر عليها ويقول يازين الزواج من الخارج وتفكيره منصب على الجمال
ياعزيزي ايش قالولك السعوديات مو قد المواصفات اللي تبغوها والله الجميلات والخلوقات مليانين واللي يبغى يكلم امه
وللمعلومية حتى السعوديات مطلوبين طلب من الاجانب
واحب اقول انا موضد زواج الاجانب بالعكس ادا لقي البنت اللي تناسبه وتناسب اخلاقه الله يوفقهم وكل واحد يتحمل نتيجة اختياره
وياليت الحرية دي كمان تكون للبنات لانو النصيب مو مرتبط بجنسية معينة
وانا عني مآأيد زواج الاقارب كفاية الامراض الوراثية اللي تحصل لاطفالهم وادا حصلت مشاكل بين الزوجين اتدخل الاهل وكبرت المشكلة وممكن يسير فراق لاسمح الله

/

احب اقول للاخت سعي
انا ايضا جنوبية وولدت وتربيت في جدة ولكن لا انسى اصلي وديرتي
فلا ارضى ان شخصا مايتكلم عليها لان لكل منطقه لهجتهم ولا اظن احد يخجل من لهجته اويعيبها حتى لو لم يتكلم بها
فمن كلامك احسست انك جنوبية فلا يعني انك عايشة في جدة اللهجة ماتناسبك شيء مضحك والله
اعرف بنات قبايل كتير من نجد والجنوب والشرقية يتكلموا بلهجتهم الاصلية وماقالوا بنغيرها عشان ماتناسب مدينة جدة؟!!

والحمدالله على كل حال