فرحة القبول ومعانات جهة العمل

[J'adore]

أولا" اسأل الله انه ييسر لنا ولك ...
احنا نفس المعاناة مع الجامعة وادارة التربية والتعليم .... اثنينهم تحس انهم ما هم مهتمين وحتى يمكن ما يبون ..

اللي رافع ضغطي انه الوزارة والادارة دايم تتهم المعلم انه ما يطور نفسه وانهم عيني عليهم باردة قدمو التسهيلات والخرابيط الباقية واذا جيت بتطور نفسك قالوا لا ما فيه بديل واذا حصلت البديل يقولون لك ما نحتاج ماجستير يكفي بكالوريوس ..

المهم اخوي رايد ما ابي اكثر عليك دامك سألت عن الحلول بعطيك اللي عندي طبعا في حالة عدم موافقة الادارة ويا رب تتسير لنا ولك وللقارئين ...

1- ارجع للقسم وحاول تاخذ صورة من الجدول وارجع للتعليم ( روح على طول لمدير التعليم ) واذا ما قدرت تقابله سوي خطاب رسمي برقم معاملة ووضح انه سير عملي ما يتأثر وارفقه بموقف مدير المدرسة مع المشرف المختص ..

وهنا يارب يعطونك موافقة بدون شرح يعني ما يشرحون عليها انها خاصة بهالترم او موافقة جزئية .

2- اجازة دراسية . ولا تفكر في الاستثنائية لانه الجامعة تشترط موافقة على كامل الفترة . ( ممكن خايفين انه عملي يجبرني على انه انسحب , طيب ممكن انسحب بمزاجي )

3- تاخذ اجازة استثنائية وتطلب قبول انه في وقت اجازتك هذي تدرس او تفتح محل في السنترال بارك تبيع فشار او .. ( امزح ) بس انا ضغطي مرتفع دامي اخذ اجازة بدون راتب ولا خدمة وش دخلكم وش اسوي ..

المهم اذا اخذتها واعطوك الموافقة توديها وترجع تقطعها