يداً بـ يد .. نضع لِ المهزلة حــد [ الأحيآء - فرع السليمآنية ]

[ُزمرد]

السلام عليكم ورحمة الله وبركاتة

كيفكم صبايا ؟

اكيد قلقآنين من التأخير تبع التصحيح !!

وفي ستين الف فكرة وَ فكرة ف راسنـآ وَ وسآوس مالها اول ولا اخر

بس خلاص انا بجد مليت مليت من الانتظار ..!!

انا كلمت صحبآتي واتفقنا وحابه انكم تنضمو كمان لانه كل ماكان العدد أكبر راح يضبط الموضوع إن شآء الله أكتر..

قررنا انه نروحلهم الجامعة ( نعطيهم فرصه ل يوم الثلاثاء) لو مانزلت نروح لهم الجامعة الاربعاء صباحاً

يعني انا سمعت اخبار وكدا ان التسكين احتمال تنزل نتائجه يوم السبت او الاحد

ايش نفهم من حركة قسم الاحياء مثلاً ؟ انهم يبغو ينزلو الدرجات مع التسكين ويحطونا أمام الامر الواقع؟؟ بحيث ان اللي نقصونآ هوا مانقدر نراجعه ولانحرك فيه سآكن؟؟؟

مانبغى اشاعات .. وانا سمعت والله صحبتي قالت لي .. الدكتورة تقول التصحيح ب يتأخر

نبغى نروح نطمن نفسنآ ب نفسنآ ونتأكد ب نفسنآ

انا مليت وكتير غيري ملو!!

لأازم نحرك ساكن؟؟

معليش احنا ماكرفنا ف التست بانك اللي جابلنا المرض ب الانقلش وذاكرناه وتعبنا وسهرنا عشآن الاستهتآر دا يسير...؟؟

يعني

1- بنات الشرفية خطه ب طلعت كل نتايجهم
2- وخطه أ الشرفية طلعت نتايجهم
3- خطة أ السليمآنية طلعت كل درجاتهم
4- الاولاد اغلب درجاتهم طلعت

؟؟

واحنا لسا ب ننتظر ونستنى الاحياء؟؟؟؟؟؟؟؟؟؟؟؟؟؟

مو معقولة والله ايش بيعملو ؟؟؟!!!

انا عن نفسي بروح والكم بنت اللي معايا لو مانزلو الدرجات

فـ إللي حابه تجي تعطيني خبر

بجد اتمنى اننا نكون يد وحده

تعبنآ والله ف المذاكرة

وبعدين ترى لا تستهينو ب الـدرجتين دي !! الدرجتين دي ترفع المعدل من a إلى a+ !!

غير انها كمان مهمه في كل جزء عشري من النسبة الموزونة ..!!

ولاحد يقلي ان الترم الاول حصل نفس الشيء وراحو بنات وسو قروشة وماجاب نتيجة

احنا نبغى نجرب ب نفسنآ ربُ رمية من غير رام !! .. ومين عارف يمكن ينجح اللي ح نعمله وغير كدا اجازة وجالسين فاضيين ماورانا شيء ما راح نخسر شيء من اننا نروح الجامعة يوم الاربعاء ..

وأعتذر على الاطالة بس .. معصبة صراحـة .. ومنكده .. وقروني طالعة ><"


الله يسـتر ..

[بنت الضحى]

إذا نقصونا ايوه إن شاء الله لازم نروح

[بنت الضحى]

بس تصدقي مرة قلقت من حكاية يحطونا أمام الأمر الواقع يعني حتى لو كلمناهم بعدين يقولوا خلاص ما نقدر نسوي شيء
بعض أهلي يسألوني طلعت الدرجة أقول لا يقولوا كيف لمن دحين ما نزلت والتصحيح آلي >>يحسبوا إني أبغى أخبيها عليهم

[haay]

لييه الى يوم االإربعاء أخر يووم لررصد الدرجااات خليها بكررر

[haay]

بنااااااااااااااات أحد عندووو رقم استاذتوو يدق عليها ؟؟ << عندها أمل ينزلوها اليوم

[ُزمرد]

حتى انا حسبوني ب أخبي عليهم ><"

جالسة ارسل بي سي للبنات صحبآتي ف البيبي بخليهم يجو معايا ان شاء الله

وإذا ماطلعنا ب شيء ولانتيجة ، اقلها نحاول نعرف درجتنا من الدكاترة حقوننا لانو اكيد التصحيح خلص !!

[ُزمرد]

المشاركة الأصلية كتبت بواسطة haay بنااااااااااااااات أحد عندووو رقم استاذتوو يدق عليها ؟؟ << عندها أمل ينزلوها اليوم

مابقيت رئيسة قسم دكتورة مادة دكتورات صحبآتي الا وارسلت ودقيت

ولا رد ولاشيء

لكن للامانة الدكتورة حقتي ردت على رسالة وحدة< رسلت بعدها مليون رسالة

بس ما اعطتني لا حق ولا باطل قالت لما تنزل الدرجات ح ابلغك!!

شكراً دكتورة الاودس حيبلغني :@:@:@:@:

المشاركة الأصلية كتبت بواسطة haay لييه الى يوم االإربعاء أخر يووم لررصد الدرجااات خليها بكررر

لالا بلااش بكرة عشآن نحاول نجمع بنات عشآن نطلع ب نتيجة + نعطيهم شوية فرصة ح نكون معاهم كريمين ونشوف اخرتها ل يوم الثلاثاء !

[hadeel a]

شكرن ليكي زمرد على مبادرتيك
إن شاء الله تنزل على خير من غير اي تنقيص ..
انا عندي ظروف عزاء ((اللهم ارحم موتنا و و جميع موتى المسلمين )) و ما راح اقدر اجي معاكم
الله يوفقكم إن شاء الله و ردولنا خبر

[ُزمرد]

المشاركة الأصلية كتبت بواسطة hadeel a شكرن ليكي زمرد على مبادرتيك إن شاء الله تنزل على خير من غير اي تنقيص .. انا عندي ظروف عزاء ((اللهم ارحم موتنا و و جميع موتى المسلمين )) و ما راح اقدر اجي معاكم الله يوفقكم إن شاء الله و ردولنا خبر

عفواً يا قلبي ولو

و لاقدر الله لو مانزلوها لين يوم الثلاثاء ورحنا الاربعاء ح نوافيكم بالاخبار ونقلكم ايش حصل ان شاء الله

احسن الله عزائكم وعظم الله اجرك

[MeeNo92]

أنا أؤيد وبشددددة < من زمان عن العربي

والله مررررة نفسي اجي بس للأسف ماني في جدة دحين :(

يااا رببب لما تروحو تقدرو تسوو حااجة, يعني من جد ايش الأسلوب هذا

مرة يفشل :(

الله يكون في عونكم