اللواتي تم قبولهن في الماجستير الخاص طالبات القصيم ارجو الدخول للأهميه

[أم فارس 3]

المشاركة الأصلية كتبت بواسطة ام الهجر هلا بك اختى ام فارس معليش عذرا اذا حسيتى انى معصبه لكن انا كنت راجعه من التوجيه وكانو صادمينى بقراراتهم وانى ماأقدر أحصل على ايفاد لأن الماجستير مسائى ويبعد أكثر من150 كيلو بالعربى غثونى وكتبت الرد والعذر والسموحه منك اذا حسيتى انى قسيت عليك بالرد وهلا بك أخت عزيزه وهذى بدايه المعرفه مع تمنياتى لك بالتوفيق وللجميع وتسهيل أموركم.

اهلين اختي أم الهجر
اهلا فيك اخت عزيزة وغاليه وإن شاء الله راح نتعرف على بعض في بداية العام الجديد إن كان لنا عمر
عموماً انا ابحاول ارفع خطاب لديوان الخدمة المدنية اطالب فيه بالتفريغ لأنه ليش وقفت علينا احنا
وياليت اللي تقدر ترفع كمان ترفع عشان يصير صوتنا واحد

وربي يوفقنا ويسهل امورنا

[جواانا]

عموماً انا ابحاول ارفع خطاب لديوان الخدمة المدنية اطالب فيه بالتفريغ لأنه ليش وقفت علينا احنا
وياليت اللي تقدر ترفع كمان ترفع عشان يصير صوتنا واحد

وربي يوفقنا ويسهل امورنا[/quote]

السلام عليكم ورحمة الله وبركاته ..
مبروووك للجميع .. ولاتجزعون وتصعبون الامور على انفسكم من الحين هونوها وتهون ..
وللعلم .. التفريغ كان للدفعه الاولى فقط وليس للجميع ايضا بسبب ضوابط الايفاد اللي تخرجوا هالسنه البعض منهم لم يفرغوا وحتى ما اخذوا ولا اجازه من الدوام ..

اما الدفعه الثانيه فلم يتم تفريغ اي طالبه على حد علمي وكلام الزميلات وكلام مديرة التدريب والابتعاث رغم كثرة المحاولات من الجميع ..والحمد لله خلصنا سنه كامله فيها من الصعوبه بعض الشئ ولكن الحمد لله كانت جدا ممتعه ..

كذلك عزيزتي التفريغ ليس مقياس للتفوق اغلب المتفوقات من الموظفات رغم وجود الكثير من غير الموظفات ..

وانتم الدفعه الثالثه واذا حصل تفريغ راح يكون من حق الجميع رغم انه (( للأسف احتمال بعيد بسبب قلة المقاعد المخصصه من قبل الوزاره وكثرة اعداد المتقدمات و .. و ...)) اسال مجرب ..

وللعلم فيه طالبات مقبولات في جامعة القصيم يعني دوام يومي وصباحي ومتعطله اوراقهن بسبب موضوع التفريغ وتوفير البديله .. صدقوني ما ابغى اسبب لكم احباط لكن ما ابغاكم تتعلقون بأمر يتعبكم نفسيا وجسديا ويستنفذ طاقتكم عن الدراسه .. قدموا على التفريغ وتابعوا اوراقكم وابذلوا جهدكم فيه لكن حطوا في اعتباركم انكم ممكن

ماتحصلونه ولو ماحصل مافيه مشكله .. وان فيه غيركم خلصوا سنه وسنتين بدونه والحمد لله ..صدقوني تجربة الماجستير صعبه لكنها جدا جدا جدا ممتعه فحاولوا تعيشوا متعتها بدون ماتخلقوا لأنفسكم المنغصات ..

كنت ابكتب كلمه وصارت خطاب !!!!!!!!
موفقين ..