اختبار الادارة الاستراتيجية 331 المبنة 125 الدور العلوي عدد الطلاب أكثر من 500

[مستر بين]

نفس الحكايه والله مذاكر زين ولي يومين ماخرجت من الشقه وبالاخر اسئله تفك الراس
من الصدمه حتى تعريف الادارة الاستراتيجيه لخبطت فيه

اللهم حنن قلوب الدكاترة علينا
اللهم اجعلهم عون لينا وليس علينا
اللهم يسر امور دنياهم اذا يسرو الينا
اللهم ان الشعيبي اول مرررره اختبر عنده اللهم اجعله كريما بالدرجات ياحيي ياقيوم
اللهم ان هذه المادة اعجزتني مرتين احملها اللهم يسرها هذه المرررره ياحي ياقيوم امين يارب العالمين

[araby99]

الله يستر ويعديها على خير للجميع
أسئلة تعجيزية بمعنى الكلمة ومجحفة بحق الطلاب
بالعربي أسئلة تحير الواحد مع أني
ذاكرت من الكتاب ومن الملخص وحليت بعض نماذج الأسئلة
وجدت نفسي ماني فاهم أو متأكد قدام ورقة الأسئلة الله يجازي من كان السبب

[المستثمر العربي]

الله لا يسامحك يا دكتور خالد الشعيبي اذا حملت ذي المادة

حيرتونا معكم ذاكرنا من الكتاب من ملخصات ما تفرق

جايب أسئلة قديمة من المقرر القديم، بالله مو عيب عليك

وفوق كذا حاط ٨٠ سؤال غير المقالي

هل هو تحدي والا كره لنا ؟؟

[الزائر الحزين]

السلام عليكم ورحمة الله وبركاته

والله يا شباب الجميع يتشكى من المادة وانا خرجت من القاعة مصدع ====> اصلا اول ما قريت الاسئلة جاني صداع .

انا ذاكرت من الملخص بس ابي اقول شغلة وان شاء الله تطلع مثل ما انا متوقع.

طبعا فيه بعض الاسئلة من المقرر القديم وكما هو معروف ان المقرر اختلف والكتاب تغير فاعتقد والله اعلم ان درجات هذي الاسئلة سوف تكون مساعدة مع السؤال المقالي.

والله اعلم.

[araby99]

حسبنا الله ونعم الوكيل

[دافور الشمال]

الله يستر بس والله الخوف متسرب للجميع

[administrator]

المشاركة الأصلية كتبت بواسطة دافور الشمال وربي مثل حالتك لا عاد جلست ادردش مع الدكتور خالد الشعيبي بعد الاختبار حصلته جالس قدام القاعة اللي اختبرنا فيها 214 (اول ماتصعد مع السلم القاعة اللي بوجهك ع طول) المهم يقول لي حضرت الدكتورة التاهيليه قلت له لا قال هذي مشكلتك :) سالته عن اختبار بحوث وعمليات قال ركز ع الدورة التاهيليه حصلت بجنبه جالس الدكتور علي القحطاني سالته عن التطوير التنظيمي المطلوب قال تحصله في مفردات المادة بموقع الجامعة سالته دكتور انت من وضع الاسئلة قال من وضع الاسئلة لجنة المادة المصيبة نسيت لا أسأله عن مادة تخطيط موارد بشرية اهم شي

تمنيت لو اني معاك لمن قالك الكلام هذا علشان نعرف نتفاهم مزبوووط

انا بصراحه كنت برووح اناقشه بعد الاختبار بس بصراحه خرجت من الاختبار وانا مصدوووم وحتي الدرج ضيعته

مانقول غير الله يستر بس

[دافور الشمال]

لرفع الموضوع للفائدة للشباب بالترم الصيفي

[خالد القحطاني]

^
عساك عديت بس

[عطاء.]

المضياني
رفع الله قدرك ...