ردت عليا استاذة مادة التفكير تعالوا شوفوا ايش قالت ....

[my Engel]

المشاركة الأصلية كتبت بواسطة عادل 14 يعني اذا ماكان انحل الموضوع من بدري ماعاد ينفع الحل يكون بعدين المفروض ان الوحده منكم ماتسكت وتصير ضعيفه في شي من ابسط حقوقها ؟؟ والاخت اللي تقول معاملتهم غير عن الرجال.. يعني معليش المعروف اللي على حق يكون موقفه قووي مهما صار وترى وحده بتتكلم مثلا في القاعه مع المراقبات عن تاخر الوقت اكيد جميع الطالبات بتوقف وتتكلم معاها لانها على صح .. انتوا فيكم شويه خووف وترى مو عيب الوحده تعبر وتتكلم وتتدافع عن نفسها .. مو بعد مافات الفوت الواحد زعلان ويتكلم وبسوي وبحط .. المفروض من البدايه تتكلم واذا مانفع صح تكمل تأخذ حقها بالطريقه المفيده . بعدين انا والله مو شوي منفعل مع الموضوع الا شي يقهر انو تسكت وتتوتر وتخاف وبأمكان حل الوضع بكل هدووء وباسلوب من وقتها بس للأسف محد سوا شي الا بعد الاختبار وشكرا

اولا مشكور على حماسك.. وزعلك عشانا.
ثانيا.. انا بيوم الاختبار تكلمت واغلبيه الطالبات اللي كانوا معاي تكلموا..
وقلنالهم انه الاوراق تاخرت وان الوقت اللي باقي نص ساعه كيف يمدينا نحل ..
والله من مجرد ماجات الاوراق الوقت اللي اعطونا هوه زياده 10 دقايق بس وبدائو يسحبوا الاوراق..
انت ماتعرف الحريم .. خاصه اللي بالجامعه ..كانها وزيرة مو.. مراقبة
لاتعليق

[صعب تمتلكني]

شباب ايشبكم على البنت >>

الرجال تقدر تتفاهم معاهم اما الحريييم ماتصدق تصير حقت امـــن وتنفش ريشها تحسسب نفسسها مديره الجامعه وكل شي تحت امرها والمعامله ززفت بمعنى الكلمة وادا اتكلمنااا خلو الحبه قبه كبروو الموضوع وبالنهاية الغلط علينااا
لوو ردت على البنت وادتها وجه عملت انجاز بحياتها اسلووووووووووووب الحريم بتعامل مرا لا انا مااقول كلهم بسسسسس اغلب اللي يشتغلوو


ولا احنا ايش اللي يحوجنا نرسسل اهلنا لقسسم الرجال ادا طلبنا تحويل ولا اي شغله لان الرجال متساهلين بين بعض عكسسس الحرمه تدل اهلللك وبالنهاية ماتعملك شي

[فنّوسه]

يا كثركم , ورا ما تنامون ؟ يا جماعه قدّر الله و ماشاء فعل

[العالم من حولنا]

تسلملي والله يا عادل 14 الحياة صعبه = كفاح
كلامك صح بس طبعنا التردد في الكلام ونبغى نتقي شرهم هالاستاذات تخاف تطيح الوحده في يد استاذه ( ما ابغى اتكلم ؟؟؟؟) وتتعند لها وتقوم تتفلسف عليها وتقول الطالبه ياليتني سكت احسن لي
ومثل ما قالت اختي صعب تمتلكني والله صعب تتفاهم مع الحريم
الرجال مسااااااااااااااااااااكين وضعوووووووووووووووووف يا لبى قلوبهم ما ادري انا اشوف كذا ولا علشان بابي كذا

[عادل 14]

الله يعينكم الظاهر كلكم يالبنات في قاعات الاختبارات تتبسمون على طووووووووووووول ههههههه
لكن الله يوفق الجميع

[روان الغامدي]

",

^
^

والله اني اقرا ردودتكم ووانا مبتسمه ينآآسو

ههههههههههههههههههههههه

",

[لزوم نبلغ الشيخ بالسالفه]

يآزيهم فـي الدمآم ..
يعطونآ الاورآق قبـل بدآية الوقت بعشر دٌقآيق ..

و كويسين و لا في آزين منهم ..

و انا عن نفسي آخـش القآعه آول مآ يفتحونهآ ..
آصلى العشآ و آدخـل .. <- علشآن يطلع آول وآاحد خخخخ ..

[الهندواني]

الله يهدي ويوفق الجميع

[حرف الميم]

الله يكون في عونكم

[moduston]

أنا عن نفسي ما همني احد .... الشي اللى اشوفه صح اسويه واقوله وكمان اتناقش في نص الامتحان حتي لو كانوا البنات يختبروا
زي اليوم صار لى موقف في القاعه دخلت وجلست وجات ورقة الامتحان ولما جات الورقه بدأت اموت حر لانه القاعه المكيف حقها خربان تخيلوا قاعه بدون مكيف في عز الصيف وفي نفس الوقت اختبار
المهم ما قدرت اتحمل وقلت للمراقبه جيب لى المشرفه قالت لى ليش قلت لها حرانه قامت الاستاده بكل برود وقالت الاختبار سهل وما ياخد وقت وحتي احنا حرانين ... يااااااااااااااااااا سلاااااااااااااااااام ؟؟؟ المهم قلت لها معليش ادا سمحتي ابغى المشرفه رجاءا قامت طالعتني بنظرات ما عرفت ايش معناها

جات المشرفه قلت لها حرانه انا بموت حر والمشرفه لاحظت اني بصبصب عرق وحر قامت قالت ما تقدر تتحملي ؟؟ بس قالتها بكل حنان
قلت لها الصراحه لا مو قادره اركز قامت قالت لى تعالى معايه واخدتني لقاعه تانيه فيها مكيف :)

وانا خارجه طالعت في الاستاده اللى ناظرتني بنظره غريبه وقلت لها انتي حرانه ؟؟ قالت طبعا قلت لها فما بالك بالمساكين اللى حرانين ويفكروا ويختبروا وانت كل دورك تسلمي ورق وتستلمي ورق ؟؟وطالعتها نفس النظره ومشيت ههههههههههه

انا عن نفسي اتكلم وما اسكت عن حقي ابدا لانه ادا انا ما دافعت عن حقي ما راح احد يدافع عني حتي التجمعات ياقلبي ما تفيدنا بشي تبغى شي تسويه سويه بنفسك
ولو تعرفي انك توصلى حقك لاعلى قسم ولوحدك طالما انت لك حق في شي بيجيكي في وقته

بس ما راح يجيكي بعد ما يفوت الفوت
وما في شي اسمه الرجال طيبون والحريم قوايه ( عندك لسان ؟؟ انت قويه زيها ... الاستاده لما تشوفك يا قلبي بسه راح تكون نمر عليكي لكن لو انتي اسلوبك جاد وصريح ومودب ما تقدر تفتح فمها بكلمه في النهايه ترى هيا بشر زينا )