اي تيست بآنك 2 أذآكر..؟ (مخآلف تم تعديله)

[Dr.Passed]

السلام عليكم..

معليش يا جماعة...أنا tb2 صورتو من موضوع Dr.Selly بعد كدة د/اسماء نزلت موضوع من موقع الأستازة الي هو دا http://sqari.kau.edu.sa/Default.aspx...0002419&lng=AR
اليوم رحت عند الدكتورة حقتي اقولها ايت واحد وكامل ومو كامل وصح هو دا ولا دا..ادتني موقع تاني بس مالقيت في شي الي هو دا http://nredhwan.kau.edu.sa/Default.aspx?site_id=0001460&lng=AR

ماني عارفة ايش الكامل والأكيد...خايفة يجي شي من برا لاسمح الله.

الشي التاني الإحصاء مرررررررررره خايفة منو والأبلة الخصوصية قالتلي طيب حتجي وكلي يوم تصرفني. خلاص مابقي شي على الإمتحانات أنا مرة خايفة من كلي شي...لاسمح الله لو ماجبت درجات مرة عالية تساعد معدلي ما اعرف ايش حيسير فيا ونفس الشي ابلة الكيميا..كلي شوية اقولها لاتجي عشان حقت الإحصاء جيا وبعدين لا اخد مع دي ولا مع دي...( انا مسكت المناهج لحالي بس برضو مرة احتاجهم) بالزات الإحصاء.

ادوني نصايح في المواد وكيف ما اعصب واتوتر....انا مرة اشيل هم بالزات لمن كلو يكون طاير في الهوى لسا ما رسمت شي في مخي من المواد زي الناس.

لوسمحتو لحد يهزئني على موضوعي. أنا مرة متوترة ويريت تساعدوني بدل ما تسوو الي بتسوو فيا كلي مرة..

ايت tb2 لوسمحتو وايش عندكم نصائح تفيدني..
وانا بالنسبالي اقدر اساعدكم في الإنجليزي.(بس زي ماقلتلكم دا اخر اسبوع ليا)..اي شي اي سؤال...اي شي تبغو ينشرح اساعدكم واكتبلكم مواضيع كمان..اي شي تبغو قولو وحساعدكم قد ما اقدر ( كل اليفيلات)..كتير زاكرتلهم الفاينل وجابو درجات مرررررة حلوة.( وعشان تطمنو اكتر من نحيتي: في تالتة متوسط قدمت على شغل في الصيف وامتحنت وقبلوني ادرس منهج متوسط وثنوي وجامعه) من غير مدح..يعني لاتخافو إن شاء الله حأعرف افيدكم

ساعدوني في مصايبي الله يسعدكم وانا كمان حاسوي الي اقدر عليه عشان اساعدكم

شكرا

Dr.Passed

[لوبابيون]

حبيبتي الله يسعدك هدي اعصابك وان شاء الله كل شي يسير تمام ...
محد بيهزأك وانتي دايما تساعدي الطلاب فأكيد حيساعدوكي ...اممممممم انا بصراحه مافهمت عليكي اش تبغي بالزبط ؟؟؟

[Dr.Passed]

المشاركة الأصلية كتبت بواسطة لوبابيون حبيبتي الله يسعدك هدي اعصابك وان شاء الله كل شي يسير تمام ... محد بيهزأك وانتي دايما تساعدي الطلاب فأكيد حيساعدوكي ...اممممممم انا بصراحه مافهمت عليكي اش تبغي بالزبط ؟؟؟

ابغا اطلع ال tb2 من الرابط الي ادتني هو دكتورتي..
الله يجزيهم بالخير د/اسماء وDr.Sellly نزلولنا tb2 بس مني متأكدة منو...الدكتورة قالتلي لأ احسلك نزلي من دا عشان تضمني..وخوفتني.

خايفة من الإحصاء =( ابلتي جننتني بس تصرف فيا وطلعلي اعزار انا عارفة انها مهي صحيحة بس تبغى تضغطني قبل الإمتحان بكم يوم عشان ماتبغى تجي كتير...انا كل مالي باعصب اكتر..انا على اعصابي وهي بأبرد ماعندها..استغفر الله بس

بدأت في لحالي بس مرة صعب ='(

[~RAN~]

شوفي ياعسل انا فتحت الموقع ودورت فيه
بس شكله الدكتور نزار لسه مانزل تست بانك 2
شوفي الرابط
http://sites.google.com/site/welcombiology110/testbank

طبعا الرابط جبته من موقع الاستاذ نفسه
انزلي اخر الصفحه تلقي الرابط

[مدحدر]

Hey, You, No Not You....YoU!! N0 Not You..Yes!! YeS Y0U


أحد فهم شيء ؟؟

[Dr.selly]

هلا اختي بااسد

شوفي يا بنت الحلاااااال مررررررره لا ترتبكي

وانا الصراحه التست الاول ذاكرت من القديم وهوا نفسه اللي نزله المنسق

فأنا اختصرت ونزلت التاني القديم لانو بيكون نفسه الجديد

وان شاء الله عندي كلااس يووم الاربعاء وبكلم دكتوري اساله بس فكريني برايفت

وترى باقي ماشاء الله 3 اسابيع لو شديتي فيها بتخلصي منهج كامل

مررره لا ترتبكي

لو ارتبكتي ترى والله ماراح تسوي شي تبقي خايفه لييييين ما تنزل الجداول وتخافين اكثر

بس ما عليك بالاحصاء راح اساعدك لا تشيلي هم

شوفي ايش اللي مو فاهمته وانا اساعدك فيه

[قمر على هيئة بشر]

نصيحتي لك Dr.Passed :

-1 حسّني علاقتك مع الله وتعرفي إليه في أوقات رخائك حتى يقف بجانبك في أوقات شدتك وعند حاجتك إليه.

2- ثقي في نفسك وفى عقلك وقدراتك، وتأكدي أنك قادرة على النجاح والتفوق فأنت لست أقل ممن سبقوك على طريق النجاح.

3- اجتهدي في مذاكرتك وتأكدي أن كل مجهود تبذليه سيعود عليك بالنفع والخير لأن الله لا يضيع أجر من أحسن عملاً.

4- حددي هدفك في الحياة وضعيه نصب عينيك، واجتهدي في الوصول إليه بكل قوتك وإمكانياتك، حتى تنفع نفسك وأهلك ووطنك

5- استعني بالله ولا تعجزي، وأعلمي أن ما أصابك لم يكن ليخطئك، وأن ما أخطئك لم يكن ليصيبك، وأن الدنيا لو اجتمعت على أن يضروك بشيء لم يضروك إلا بشيء قد كتبه الله عليك، وأن الدنيا لو اجتمعت على أن ينفعوك بشيء ما نفعوك إلا بشيء قد كتبه الله لك .

مع أطيب الأمنيات لك بالتوفيق

[2ttto]

حبيبي هدي اعصابك قبل شويه قريت موضوع عن انو التست بانك الجديد نزل
وترا ماااافي شي يوتر انت هدي وشوفي ايش تقدري تسوي يعني حــــاولي قبل لتستسلمي ياقمر
انا بالاحصــــاء مااقدر افيدك بس اذا قدرت راح احاول ..

ومـــــــــره ثانيه ياقلبي ابغى منك تروقي وتهدي عشان تعرفي ايش تسوي
شوفي موضوع التست بانك الجديد..
والاحصاء ضروري نفتح موضوع للشرح وكذا واتنمى نقلى احد يشرح الاحصاء لنا ترا كلنا هنا عشان بعض ياعمري..

ربي يوفقك ويسعدك يآآآآآآآآآآرب..

بالتوفيق للجميع وتسهل انشاءالله..

[محمد بن عيضه]

أنا أنصحك في الأحصاء تاخذي ملخصات اشرف بركات وصدقيني ماراح تحتاجي لخصوصي انا اعتمدت عالملخصات والحمدلله جبت درجه عاليه في الدوري الأول ولسا قدامك ثلاث اسابيع

[OooO JEJE OooO]

شوفي بالنسبة للتست بانك حق الأحياء خذيه من موقع الدكتورة سهيلة قاري من ايقونة المواد والمحاضرات اللي على اليمين
هذا التست بانك الموثووووووق فيه ولو تبي انزلك هو هنا ............وأنا عن نفسي ماحذاكر الا منه
وبالتوفيق ياعسل