نتائج كفايات اللغة الانجليزية step هنا ,,

[شتاء يختزن الرعود]

المشاركة الأصلية كتبت بواسطة PROXY أتفق معك في كل كلمة تقولينها .. شوي وأروح لهم أطالبهم بورقة الإجابة وأشوف وين الأخطاء الي أخذت نص الدرجة . الإختبار كااان سهل جدا ومع ذلك الدرجات من أسوأ ما يكون . أكثرنا خريجي بكالور إذا ما كانوا خريجي ما ستر وبمعدلات عالية << يعني مو جديد علينا اسلوب الإمتحان,عشان تكون الدرجات ما تتجاوز 50 % أتمنى أن يعاد النظر في آلية التصحيح أو على الأقل يفصح عنها .

..

سبق وراسلت المركز وانتقدت الدرجات المحبطه قبل 3 شهور طبعا كان رد واهي جدا وهو ان التصحيح الي لا مجال للغلط

ورجع يقولي ليش الاسئله معاده عشان تكونين متأكده من نفسك ؟؟

مادريت ايش قصده من هالسؤال ؟؟ يعني غريبه أحد يثق من نفسه الا اذا كانت الأسئله معاده ..؟؟

قلت ايوه معاده وحتى لو لم تكن معاده فأنا على ثقه بأني استحق اعلى من الدرجه المرصوده ومركز القياس فاقد مصداقيته .. وكلام آخر طويل ...

واما هذا الاختبار الحمد لله على الدرجه تدخلني ماجستير بس ابدا مو هي اللي استحقها ولا هي حقي استحق اعلى بكثير ..

كنت اقول هذا الاختبار بيكفيني للماجستير والدكتوراه ولمن شفت الدرجه ما دريت افرح ولا أزعل !!

لحظة تناحه وقهر .. متأكده من إجاباتي ماهي مبنيه على اتوقع ويمكن .. محضره زين دفنت حالي بالدراسة وتطوير نفسي بالانجليزيه وبالآخر .....

فعلاً أنا زعلانه على نفسي لأن حقي مهدور في المركز ولا في جهه ممكن نتظلم فيها ..

لو أطالب بورقة الإجابة تبعي أطالب فيها بكل ثقه أني على حق ..

المركز هذا يحبطني يخليني أشعر بأني فاشله وانا أبداً مو فاشله إذا حطيت شي براسي أجيبه لو كيف ماكانت صعوبته بس يكون فيه عدل وصدق ..

شعار المركز

شاهد لكم أو عليكم ..

( ياعمادة الدراسات العليا وضعتمونا بين أيدٍ لا ترحم )

..