نقاش : ليش التفريق بين طلاب و طالبات الخطتين؟؟؟

[Dina-s-b]

ترى موضوع العدل بين الخطتين كانو بيتناقشو فيه من يوم ما بدأت التحضيري..
تعبنا نقول انو المفروض طلاب السنة الوحدة يتعاملو بنفس الطريقة :( يبغو يغيرو يغيرو فالسنة اللي بعدها بس محد يسمع :(
السنة اللي فاتت كان اختبار الفيزيا الترم الاول كل المنهج لين شابتر 7..الترم التاني صار لين 8..!!
الكيميا الترم الاول كان جزئية زادولنا فصل جديد حتى اسلوب الاختبار الدكتورات ما كانو عارفين كيف لانو ماشافو قبل كدا طريقة اسئلة واحتجو البنات وسو حفلة ومحد سمعلهم :(..الفيزيا كان الترم الاول مافي بونس الترم التاني في 3 درجات فالاختبار !!
بعدين بس حبيت اقولك انو بنات خطة ب بيشتكو من الظلم انو مو نفس الشي وبنات خطة أ بيشتكو انو مو نفس الشي ..!!
يعني تروحي تقوليلهم حيقولولك زي ما قالولنا انو كل فصل دراسي يتعاملو معاه كانو سنة دراسية لحالها وشدي حيلك لانو زي ما انتي بتعاني هما بيعانو..
شدي حيلك دحين وان شاء الله ربي يوفق الجميع =) وتخلصو هادي السنة على خير :)