The experience of summer training

[IT dancing doll]

بااااااااااااااااكـ :)) اعرف انه مره متأخر بس ماصار عندي عقل مع التخرج .. وماصرت اعرف اركز على ايه

وصار عند زهايمر فضيع ههه << دعواتكم بالشفاء العاجل

المهم مااطول عليكم

انا وكم بنت معايا كان تدريبنا في مستشفى الملك فيصل التخصصي

اول شي المكان مايقبل عدد كبير من الطالبات لانه ضيق .. وكنا خمس طالبات وتوزعنا على فترتين

كان مدة تدريبي انا وصاحبتي شهر بس 200 ساعه بالزبط

يبدا الدوام من 7 ونص صباحا الى 5 مساء كل يوم ماعدا الربوع يخلص 4 مساء

اممم بالنسبه للجديه ماكان فيه جديه وماكان فه رقابه عاليه يعني انتي لو كنتي حابه تتعلمي لازم تزني عليهم (المسؤولين) وتسالي كل مره

اهم شي عشان تستفيدي تكوني (جريئه ) وتسالي من دون احراج

طبعا اختلاط او بمعنى اصح اغلبه رجال والموظفات بس 3 واحنا كانت اغلب كلاساتنا رجال

امم استراتجيتهم:
عندهم كذا قسم الدعم والشبكات والتطبيقات الطبيه ... الخ
طبع رتبوا لنا جدول كل اسبوع تقريبا في قسم
يكون عندنا مدير في القسم بالعاده يخلي موظفينه يعرفونا بالقسم بالتقنيات ويطلب مننا سيرش عشان نفهم اكثر كيف هما بيشتغلوا في القسم

.. كان ممتع الصراحه .. قسم الدعم كان يختلف نظام عن باقي الاقسم كنا نلف دايم مع الموظفين عند اليوزر اللي عندهم مشاكل في الكمبيوتر او الطابعه او اي هاردوير ونحلها ..

مو عارفه اش اقول بالزبط ممكن تسالوني وانا ارد اللي افتكره ..

بالنسبه للتقييم .. كانوا مره مو معقدين لموضوع .. المدير طلب مننا نعمل تقييم لنفسنا وهو وقع الاوراق بعد ماسالنا كم سؤال

والله يوفقكم يارب وعلى فكره عشان تدربوا في التخصصي تكلموا من بدري وكلموا نفس الدكتور المسؤول دكتر: عماد جمال المدير في قسم التقنييه هوا حيساعدكم

وفيه بنات مررررره يمدحوا الامانه كان فيها بيتعلموا اشياء جديده ويشتغلوا ... اما التخصصي ماكنا نشتغل بس تعلمنا كيف الاي تي بيشتغلوا تعلمنا تقنيات ومصطلحات جديده وغلب الكورسات اللي اخذناها بعدين كانه كلام التدريب بيتعاد عليا

وربنا معاكم ...سوري على الاطاله