ماذا يريد الطالب والطالبة من رئيس ومشرفة القسم

[زيـــنـــة]

أنا شخصيا ما أبغى من مشرفة القسم أي شيء ، أنا ما أبغى غير حقي كـ طالبة ، و أنا مجرد ( عابرة سبيل ) ، يعني كلها 4 سنوات و نصف و كل شي يروح لحالو ,,

أنا مو ضد أحد ، ولا مع أحد ، و لا أعادي أحد ، ولا أطلب شي مو من حقي ، ولا عمري كنت صاحبة مشاكل ولا أحب المشاكل ، صدقوني يا جماعة ردودي و إن كانت بانفعال ، مو معناها اني أتحيز أو أكون ضد أي شخص ولو كانت مجرد زميلة مو معلّمة !


أنا من بداية دراستي و أنا ماشية في حالي و ساكتة ، و لا قد هاجمت أو اتطاولت على أحد ، و ما أعتقد اني تركت أثر و إن لم يكن إيجابي جدا ، فـ هوا في نفس الوقت ما أترك أي أثر سلبي ولا أتعدى حدودي ولا أحوج نفسي أساسا أو أعرّضها لأي انتقاد !!!


رجاءً لا أحد يفهمني خطأ ، و صدقوني أنا مالي مصلحة ، كل اللي أبغاه انو كلامي دا يوصل للجميع ، و لكل الناس اللي يحسبو اني أحاول أشوّه صورتهم أو سمعتهم ، لو أنا فعلا ضد د.رندا ما كان نويت اني أدرس معاها !!!!

كل مدرّساتنا في محل التقدير و الاحترام بدون شك ، و أنا شخصيا ما أبغى غير حقي ، اللي هوا الرابط الوحيد بيني و بين أي دكتورة أو أستاذة ، ( الدرجات ) ، و ما أبغاها بدون وجه حق ، ما أبغى غير حقي اللي ( أستحقو ) فقط لاغير ,,,



و من خلال الموضوع ، أشكر د.رندا على بادرتها الطيبة و جيد منها انها أعطتنا فرصة ( لجميع طالبات القسم ) اننا نراجع أوراقنا تبع الاختبارات ، و دا في حد ذاتو يدل على رغبتها في تقديم الأفضل للقسم ، و إرضاء الطالبات في إطار الممكن و المتاح ،،

و نزّلت موضوع عن الكلام دا و بلّغت فيه البنات اللي ما شافو الإعلان ، و دا دليل على اني برضو بـ أصرّح ببعض الخطوات و البوادر الجيدة اللي بتحصل في القسم ،،

شكرا لجميع أعضاء هيئة التدريس ، و أي موقف شخصي حصل أو اختلاف في وجهات النظر ما يمنعني من الشكر !

الله وحدو يعلم بـ نيّتي ، و شاهد على ما أقول ,,