الجدول الدراسي..

[× m e m e ×]

السلام عليكم ورحمة الله

اسعد الله اوقاتكم بكل خير

\\

الحمدلله نزل الجدول ,, وابا اخذ رأيكم فيه هل اعدل فيه شي ولا اخليه كدا

واابا اعرف كل ماده ومدى سهولتها ,, وهل هي حفظ ولا فهم

علما بأني اميل الى مواد الفهم اكتر من مواد الحفظ

//

دي هيا المواد

النوع الاجتماعى وت. موارد بشرية 1 .
تخطيط و تنمية الموارد البشرية
استثمار
دراسات ادارية معاصرة 3
ادارة الاعمال الدولية 3
الثقافة الاسلامية (3)

المواد اللي بالاحمر هيا اللي اباها ومانفسي اغيرها اذا كان مافيها عله بالنسبه لكم

بقي لي 3 ساعات اش اخد فيها ,, انا كنت افكر انزل ادارة عمليات بس ما ادري اشبها مهي راضيه تنزل

ولا تحليل كمي ,, بس هوا سنترا ,, ولا اقتصاد كلي

ولا ماده اختياريه

,,

اتمنى انكم ماتبخلي عليا بمساعدتكم

والله يوفقنا في دراستنا وناخد اعلى الدرجات

اللهم انا نسألك الهدى والتوفيق والسداد

[× m e m e ×]

وينكم بليز ساعدوني بخبرتكم معدلي 2,75 واتمنى انه يسير 3,75 او اكتر

عشان لازم ارفع معدلي واخد في كل مواد دا الترم ممتاز ان شاء الله

علماً انو دي المواد اللي باقي ما اخذتها

تحليل كمي (2) ادارة الأعمال (بالا نجليزية) مبادىءالاقتصاد الكلي ادارة العمليات تخطيط و تنمية الموارد البشرية استثمار نظم معلومات ادارية مقرر اختياري بحوث العمليات الادارة الاستراتيجية التطويرالتنظيمي واعادة التنظيم ادارة الأعمال الدولية مقرر حر (1) الثقافة الاسلامية (3) النوع اجتماعى وت. موارد بشرية بحث وتدريب (موارد بشرية) دراسات ادارية معاصرة ادارة الموارد البشرية(انجليزي) ادارةاعمال فى ثقافات متعددة مقرر اختياري القيادة وادارة الابتكار ادارة المشاريع الصغيرة مقرر اختياري مقرر حر (2) الثقافة الاسلامية (4)

:\

[دربـ وفا ـي]

ولا ماده معاي .. وان شاء الأعضاء مرح يقصرو معاكي

والتحليل الكمي نزل عندي بس مو سنترا مع انه اول بالشعب كان نازل سنترا.. اتأكدي يمكن غيرو

[maneoly]

ممكن تقولولي كيف اعرف مين الاستاذة , عشان الشعب فتحت بس مانزلو اسماء الاساتذة وانا ابغى اختار اساتذة كويسين عشان ارفع المعدل
وهادي المواد اللي ابغى احطها لانهم بس حطولي مادتين ثقافة 2 و اتفاقيات منظمة التجارة العالمية والمادة لها متطلب انا ما اخذتو

ثقافة 2
تحليل كمي
السلوك الانساني
ادارة الاعمال بالانجليزي
و مباديْ التسويق
الحد الاقصى 15 ساعة ومعدلي هو 2.72

[× m e m e ×]

شكرا اخت دربـ وفا ـي حتأكد دحين


maneoly ماينزلوا اساميهم الا قرب دورتنا بكم يوم للاسف ><

الله يوفقنا ونجيب اعلى الدرجات يارب

[دربـ وفا ـي]

انتي كيف في المواد العلميه .. اذا اوكي نزلي اقتصاد كلي الكل يمدحه ويقولو مره سهل

ونزلي مااده حره وماده اختياريه

في عندك

نضام سياسي سعودي - حكومه الكترونيه - اخلاقيات عمل - اساليب وطرق عمل - اداره محليه << ذي اللي سمعت انها مره سهله وعباره عن ملزمه كم ورقه بس

بس مااعرف الحر من الأختياري منها


موفقه

[× m e m e ×]

لا بأس ع حسب الاستاذه .. ادا تفهم زي سحر مهران اقدر ان شاء الله اجيب معاها درجات حلوه

طيب اش رايكم احذف دي المواد لاني ما اعرف مدى صعوبتها وحفظ ولا فهم

دراسات ادارية معاصرة 3
ادارة الاعمال الدولية 3

واحط بدالها تحليل كمي وماده اختياريه