تجارب الطالبات (مواد+ أستاذات)

[جوجووبس2008]

المشاركة الأصلية كتبت بواسطة لـــندســـي لـــوهـــان جوجووبس حبيت اقولك انوا لازم بالاضافه الى فهم وكتابة كل شيء في المحاضره ,, وكمان اهم شيء انك تحاولي تحصلي على نسخة من اسئلتها حقت السنة اللي فاتت عشان تتعرفي على اسلوبها ..

الله يعطيك العافية لكــــــــــــــــــــــــــــن
كيف اقدر احصل على اسئلتها وحدة من البنات قالت انها ما كانت تعطي الاسئلة مع انه كثير قالوا تعيدها
اللي عندها اي شي لاستاذة سهام فطاني في الادب تقول لي الله يسعدكم اسئلة شرح اي شي ضررررررروري

[زيـــنـــة]

أنا شخصيا ما عندي لأني من زمان خلصتو ، بس تقدري تعتمدي على شرحها ، أسئلتها اختياري و تجيب كم سؤال essay ، بس الـ essay في الـ final غالبا ، ما أعرف إذا غيّرت أسلوبها حاليا ,,

عموما انتو لو سألتوها ، أكيييد حـ تجاوبكم و تقول لكم على طريقة الأسئلة ، و بالنسبة انك تدوّري على نسخة من الأسئلة دي صعبة تلقيها ، بس انتِ خلي بالك معاها كويس و احضري باستمرار و بإذن الله تجيبي درجة كويسة عندها ,,,

[جوجووبس2008]

المشاركة الأصلية كتبت بواسطة زيـــنـــة أنا شخصيا ما عندي لأني من زمان خلصتو ، بس تقدري تعتمدي على شرحها ، أسئلتها اختياري و تجيب كم سؤال essay ، بس الـ essay في الـ final غالبا ، ما أعرف إذا غيّرت أسلوبها حاليا ,, عموما انتو لو سألتوها ، أكيييد حـ تجاوبكم و تقول لكم على طريقة الأسئلة ، و بالنسبة انك تدوّري على نسخة من الأسئلة دي صعبة تلقيها ، بس انتِ خلي بالك معاها كويس و احضري باستمرار و بإذن الله تجيبي درجة كويسة عندها ,,,

مشكورة يازينة الله يوفقك ولازم نسألها عن الاختباربس هيا تقول انتوا فصلوا من عندكم اقرؤا من كتب من النت عن الادب وافهموا
يــــــــــارب متى اخلصوا ان شاء الله وبدرجة حلوة وارتاح والله حاسة انه هم انشاء بأبذل كل جهدي

[زيـــنـــة]

كل الشرح تبع الأبيات اللي تشرحو مهم ، و فعلا هيا كانت تقول لنا ندخل النت و نجمّع معلومات ، و لاااازم يكون أسلوبك في الكتابة مقنع و إملائك ممتاز ، هيا لو شافتك كدا صدقيني تعطيكِ حقك في الدرجات ، مرررة تخلي بالها من أسلوبك في الكتابة ، ولا زم تنتقي كلماتك بعناية ،،


الله يوفقك يااارب ، و بإذن الله حـ تجيبي درجة كويسة ، بس شدي حيلك ، صحيح هيا ما تاخد حضور و غياب ، لكن تخلي بالها من الموجودات ..